الماتى قالاسى زەردەلى ىقشام اۋدانىنداعى (بۇرىنعى العاباس-6) 179 ءۇي قيسايىپ، كورشىلەر سىرتتا دۇرلىگىپ ءجۇر.
«قولجەتىمدى باسپانا» مەملەكەتتىك باعدارلاماسى بويىنشا 2013 جىلى الماتىنىڭ «زەردەلى» ىقشام اۋدانىندا پايدالانۋعا بەرىلگەن №179 ۇيدە بارلىعى 72 پاتەر بار. كۇن ساناپ ۇيلەرىنىڭ شالقايىپ بارا جاتقانىن بايقاعان تۇرعىندار قۇزىرلى ورىنداردان كومەك سۇراعان بولاتىن. بىراق، بۇگىن كۇن باتا ءۇي قيسايعاننان قيسايىپ، تۇرعىندار كوشەگە قاشىپ شىققان.
كورشىلەر تاراپىنان تاۋەلسىز تەكسەرۋ ناتيجەسى 34 سم بولسا، اكىمشىلىكتىڭ تەكسەرىسى 1 سم عانا كورسەتىپ تۇر.
جەر استىنان ساراپتاما ءۇشىن توپىراق الىنعاندا ءۇي باتپاقتا تۇرعانى انىقتالعان. بۇل دا تۇرعىندار ومىرىنە وتە قاۋىپتى جاعداي ەكەنىن ايعاقتايدى.
بۇرىن العاباس دەپ اتالعان ىقشام اۋداندا بۇعان دەيىن مۇنداي جاعداي 2016 جىلى ورىن العان. ول كەزدە 9 قاباتتى ءۇي 32 سانتيمەترگە قيسايعان. ال 2017 جىلى تاعى ءبىر عيماراتتا وسىنداي بەلگىلەر انىقتالعان. كەيىن قۇزىرەتتى ورگاندار بۇل نىسانداردىڭ ىرگەتاسىن قاتايتىپ، تۇرعىنداردى قايتا ۇيلەرىنە كوشىرگەن بولاتىن. بىراق، تۇرعىندار باتپاقتىڭ ۇستىنە ورناتىلعان ءۇي دەپ سانايتىن بۇل ءۇي سوندا دا وڭالماپتى.
[video width="848" height="480" mp4="https://adyrna.kz/content/uploads/2019/12/whatsapp-video-2019-12-13-at-20.42.06.mp4"][/video]
"10-شى جەلتوقساندا ءبىز مچس-قا زۆوندادىق. ءۇيدىڭ قيسايعانى تۋرالى ايتتىق. ولار كەلدى دە كوردى دە كەتتى. ەرتەڭىندە كەلدى دە ولشەدى دە 1 سانتيمەتر جىلجىدى دەدى. ءبىز ءوزىمىز ولشەگەندە 34 سانتيمەتر جىلجىپتى. ولار قاعازعا از ەتىپ كورسەتىپ جازىپ جاتتى، ءبىز ولارعا مىنا جەردە 0,5 ەمەس قوي 7 سانتيمەتر دەگەن كەزدە ولار تۇزەپ جازىپ جاتتى. وسى كۇنگە دەيىن ناقتى قانشا سانتيمەتر قيسايعانىنا ناقتى ەشكىم جاۋاپ بەرگەن جوق. توپىراقتىڭ قورىتىندىسىن الىپ جاتقان ادامدارمەن سويلەسكەنىمىزدە مىناۋ جاقسى ەمەس، جەتى مەتردەن سۋ شىعىپ جاتىر دەدى. وتە قاۋىپتى دەپ ايتتى. ءبىز ءۇيدىڭ قيسايعانىن بولمەلەردىڭ ەسىگىنىڭ اشىلىپ قالا بەرەتىنىنەن بايقادىق. سوسىن باسپالداقتار اسفالتپەن ارالىقتا اشىلىپ كەتىپتى" دەيدى وسى ءۇيدىڭ تۇرعىنى بينيازوۆ مەرەي.
تاعى ءبىر تۇرعىن ءالىمجانوۆا ەلميرانىڭ ايتۋىنشا باسپالداقتىڭ اراسىنداعى تەسىك ءبىر كۇننىڭ ىشىندە ساۋساق سياتىنداي بولعان. ء"بىز توبەگە كوتەرىلگەندە كابەلدەردىڭ تارتىلىپ تۇرعانىن بايقادىق. وسىدان ەكى كۇن بۇرىن جۋرناليستەر كەلگەندە سول كابەلدەردەن سپوكوينو اتتاپ جۇرگەنبىز. ءۇيدىڭ قيسايعانى جاي كوزگە دە بايقالىپ تۇر. ال، اكىمدىكتىڭ ايتقان تسيفرلارى مىنا ءۇيدىڭ جاعدايىمەن سايكەس كەلمەيدى. ءبىز مچس-قا زۆونداعاندا بىزگە ەكىنشى رەتىندە بىلاي جاۋاپ بەردى. "نە نادو پروۆوكاتسيا جاساپ. سەندەردىڭ ۇيلەرىڭ جايلى ەشقانداي دوكۋمەنت تۇسكەن جوق. ال، ونى كىم بەرەدى؟ قۇدايعا شۇكىر بارىمىزدە كوز بار. كورەمىز. الاڭدايمىز. بۇل جەردەن جاس وتباسىلارعا ءۇي بەرىلدى. قۋانىپ كىردىك وسى ۇيگە. ءبىز باسقالاي شىققىمىز كەلمەيدى وسى ۇيدەن. ءبىزدى قولداۋلارىڭىزدى سۇرايمىز" دەگەن ەلميرانىڭ ءسوزىن تۇرعىندار ءبىر اۋىزدان قولدادى.
[video width="848" height="480" mp4="https://adyrna.kz/content/uploads/2019/12/whatsapp-video-2019-12-13-at-20.42.06-1.mp4"][/video]
وقيعا ورنىنا كەلگەن الماتى قالاسى اكىمىنىڭ ورىنباسارى جۇرتتى سابىرعا شاقىرىپ، ءوزى دە كوپپەن بىرگە وسى ۇيدە قوناتىنىن مالىمدەدى. قازىر ءوزى قالاعان ءبىر پاتەردە اكىم ورىنباسارى قونۋعا قالدى.
"ادىرنا" ۇلتتىق پورتالى
