جامبىل وبلىسىنىڭ اۋداندارىنىڭ ىشىندە مەركى اۋدانى الەۋمەتتىك-ەكونوميكالىق تۇرعىدان كوش باستاپ تۇر. سەبەبى اۋىلدىڭ كاسىپكەرلەرى تىنباي ەڭبەك ەتىپ، اۋداننىڭ تۇرمىسىن تىكتەپ تۇر. سونداي-اق مەركى اۋدانىندا تۇڭعىش پرەزيدەنت كۇنى جانە قر تاۋەلسىزدىگى كۇنى قارساڭىندا بىرنەشە نىسان پايدالانۋعا بەرىلدى.
قر تاۋەلسىزدىڭ كۇنىنە وراي مەركى اۋدانى انداس باتىر اۋىلدىق وكرۋگىنە قاراستى ارالقىستاق جانە ءتاتتى اۋىلدىق وكرۋگىنە قاراستى بەلارىق اۋىلدارىندا مەديتسينالىق پۋنكتەر اشىلدى. تۇڭعىش پرەزيدەنت كۇنى مەن تاۋەلسىزدىك مەرەكەلەرى قارساڭىندا اۋداندا جوسپارلانعان 12 امبۋلاتوريالىق پۋنكتىڭ 10-ى پايدالانۋعا بەرىلدى.
«مەركى» ىرىمشىك 1954 جىلى ىسكە قوسىلعان بۇل كاسىپورىن كۇنىمىزگە دەيىن قىزمەت بەرىپ كەلەدى. جىلىنا 6 مىڭ تونناعا دەيىن ءسۇت قابىلداپ،ءسۇت ونىمدەرىنىڭ 20-عا جۋىق ءتۇرىن شىعارادى.
بيىل ءبىلىم كۇنى قارساڭىندا اقتوعان اۋىلدىق وكرۋگىنە قاراستى قازاق ديحان اۋىلىندا 120 ورىندىق مەكتەپ پايدالانۋعا بەرىلدى. قازىرگى تاڭدا اتالعان مەكتەپتە 108 بالا ءبىلىم الىپ جاتىر.
ماقسۇت نەسىپباەۆتىڭ «ار-اس» شارۋا قوجالىعى 100 بيە ساۋىپ، سوڭعى تەحنولوگيالارمەن جابدىقتالعان قۇرىلعىلاردان كۇنىنە 70-100 ليترگە دەيىن قىمىز شىعارۋدا. «تاۋ قىمىزى» اتالعان قىمىز شولمەكتەرگە قۇيىلىپ، ەلىمىزدىڭ بىرنەشە وڭىرىنە ەكسپورتتالۋدا. گەرمانيادان اكەلىنگەن بيە ءسۇتىن سالقىنداتقىش، جىلىتقىش قۇرىلعىلار قىمىزدى ءۇش ايعا دەيىن ساقتاۋعا مۇمكىندىك تۋدىرادى. قازىرگى تاڭدا شارۋاشىلىق 100 بيەنى ساۋىپ، كۇنىنە 500 ليتر بيە سۇتىنەن دايىن ءونىم جاساپ شىعارۋدا.
اقتوعان اۋىلىنىڭ تۋماسى دانيار ابدىرازاق وبلىستىق «اتامەكەن» كاسىپكەرلەر پالاتاسىنىڭ قولداۋىمەن ليمون وسىرۋمەن اينالىسىپ جاتىر. اتالعان ازامات قايتارىمسىز ەكى جارىم ميلليون گرانت ۇتىپ الىپ، ءوز جىلىجايىندا وتىرعىزىلعان 600 ءتۇپ قيارىنىڭ اراسىنا 30 ءتۇپ ليمون ەگىپ، وبلىسىمىزدا العاشقىلاردىڭ ءبىرى بولىپ وسى كاسىپتى ءوز قولىنا الىپ وتىر.
اقەرمەن اۋىلدىق وكرۋگىنىڭ تۇرعىنى ساكەن ماۋتەنوۆ قۇس شارۋاشىلىعىمەن بىرنەشە جىلدان بەرى اينالىسىپ كەلەدى. كاسىپكەر 1000 برويلەر بالاپان كەزىندە مەركىدەن 260 تەڭگە، ال الماتىداعى قۇس فەرمالارىنان 180 تەڭگەدەن العان بولاتىن. جالپى، 1000 تاۋىقتان 2,5 توننا قۇس ەتىن الىپ، 4 ايدا 1 ملن. تەڭگە تابىس تابادى.
مەركى اۋىلىندا ورنالاسقان «ميناسيپ» شارۋا قوجالىعىنىڭ جەتەكشىسى اليسۇلتان احمەتوۆ «ىرىس» نەسيەلەۋ باعدارلاماسى ارقىلى 4 پايىزبەن نەسيە الىپ، ءسۇت شارۋشالىعىن دامىتىپ وتىر. قازىرگى تاڭدا ول 100 باس ساۋىندى سيىردان كۇن سايىن 2 توننا ءسۇت وندىرىلەتىنىن ايتادى. شارۋاشىلىق ولاردان تۇسكەن ءسۇتتىڭ ءار ءليترىن 82 تەڭگەدەن «مەركى ىرىمشىك زاۋىتىنا» وتكىزەدى. شارۋاشىلىقتا 8 جۇمىسشى قىزمەت ەتەدى.
«جاس كاسىپكەرلەردى» قولداۋ باعدارلاماسىمەن قايتارىمسىز 505 مىڭ گرانت الىپ، داۋلەت ناعىمەت مەن رينات ومىراليەۆ «كەرۋەن» ساۋدا ۇيىندە كيىمگە جازۋ، سۋرەت سالاتىن ورتالىق اشتى.
"ادىرنا"
ۇلتتىق پورتالى
