ءوڭىردى تسيفرلاندىرۋ تۋرالى وكق-دا وتكەن ءباسپاسوز ءماسليحاتىندا شىعىس قازاقستان وبلىسىنىڭ اكىمى دانيال احمەتوۆ ايتىپ بەردى، دەپ حابارلايدى قازاقپارات ءتىلشىسى.
وبلىستا ۆەدومستۆوارالىق بىرىڭعاي سيتۋاتسيالىق ورتالىق قۇرىلىپ، تاجىريبەلىك سيپاتتا پايدالانۋعا بەرىلگەن. دانيال احمەتوۆتىڭ ايتۋىنشا، نۇر-سۇلتان، الماتى جانە قىزىلوردا قالالارىنداعى ورتالىقتاردان قاراعاندا، ونىڭ باستى ەرەكشەلىگى - جولداعى، الەۋمەتتىك نىساندارداعى قاۋىپسىزدىكتى قامتيتىن، شۇعىل جانە كوممۋنالدىق قىزمەتتەردى ۇسىناتىن بارلىق اقپاراتتىق جۇيەنى بىرىكتىرۋى بولىپ وتىر.
اكىمدىكتەن حابارلانعانداي، ونىڭ قۇرىلىمىنا سيتۋاتسيالىق جانە ينۆەستيتسيالىق ورتالىق، جەدەل اقپارات ورتالىعى («سەرگەك»، قوعامدىق ءتارتىپ، بەينەباقىلاۋ), توتەنشە جاعدايلار جانە كوممۋنالدىق قىزمەت، «109»، EDDS-112 بىرىڭعاي كەزەكشىلىك-ديسپەتچەرلىك قىزمەتى كىرەدى. بىرىڭعاي كەزەكشىلىك ديسپەتچەرلىك قىزمەت ىسكە قوسىلعالى بەرى 112 مەن 109 قىزمەتى 23 مىڭ قوڭىراۋ قابىلداپ، 7 مىڭ قۇقىقبۇزۋشىلىقتى انىقتاعان.
«سونىمەن قاتار، ايماقتا قوڭىراۋلاردى قابىلداۋ جانە وڭدەۋ بويىنشا بارلىق قىزمەتتەردى بىرىكتىرەتىن بىرىڭعاي الاڭ بار. 15 تامىزدان باستاپ ازاماتتاردىڭ جاۋاپتار ساپاسىنا قاناعاتتانۋ دەڭگەيىن جانە مەملەكەتتىك ورگاندار قىزمەتىنىڭ تيىمدىلىگىن ارتتىرۋ ءۇشىن ءوتىنىش بەرۋشىلەردىڭ SMS-حابارلامالارى ارقىلى كەرى بايلانىس ساپاسىن باعالاۋ جۇيەسى ەنگىزىلدى»، - دەدى دانيال احمەتوۆ.
«ادىرنا» پورتالى
