وزگە وڭىرلەرمەن سالىستىرعاندا جامبىل وبلىسى اۋىل شارۋاشىلىق سالاسى جاقسى دامىعان. اسىرەسە اۋليەاتا ءوڭىرى مال شارۋاشىلىعىن دامىتىپ، كاسىپ باستاۋعا تاپتىرمايتىن مەكەن.
بلىس اكىمدىگىنىڭ اۋىل شارۋاشىلىعى باسقارماسىنىڭ باسشىسى بەرىك نىعماشەۆتىڭ ايتۋىنشا، وڭىردە سوڭعى ءۇش جىلدا شەت ەلدەن 6 مىڭعا جۋىق ءمۇيىزدى ءىرى قارا ساتىپ الىندى. بۇل تۋرالى وبلىستا ەت ءونىمىن دامىتۋ كارتاسى ازىرلەنگەن.
2018-2027 جىلدار ارالىعىندا ەت باعىتىنا باعىتتالعان 3 مىڭ فەرمەر شارۋاشىلىعى ۇيىمداستىرىلىپ، شەتەلدەن جالپى 36 مىڭ باس ءمۇيىزدى ءىرى قارا ساتىپ الۋ جوسپارلانىپ وتىر. وسى شارالاردىڭ ناتيجەسىندە وندىرىستىك بورداقىلاۋ الاڭدارىندا وندىرىلەتىن سيىر ەتى 2,7 مىڭ توننادان 16,8 مىڭ تونناعا، ەكسپورت كولەمى 2,5 مىڭ تونناعا جەتكىزىلەدى. ايماقتا مال باسى سانى ارتىپ كەلەدى. بيىلعى جىلى وبلىستاعى ءمۇيىزدى ءىرى قارا سانى – 400,8 مىڭ باستى قۇراپ، وتكەن جىلمەن سالىستىرعاندا 4,1 پايىزعا ءوستى. «سىباعا» باعدارلاماسى ارقىلى شەتەلدەن بيىل جىل باسىنان بەرى 2 923 باس ءمۇيىزدى ءىرى قارا مالى اكەلىندى. ناتيجەسىندە، اسىل تۇقىمدى مال باسى ارتىپ، سوڭعى ءۇش جىلدا شەتەلدەن 6 مىڭعا جۋىق مىق جەتكىزىلدى»، - دەيدى بەرىك نىعماشەۆ.
باسقارما باسشىسى وسىلاردىڭ نەگىزىندە وبلىستا 5 رەپرودۋكتور-شارۋاشىلىق قۇرىلىپ، وبلىستا اسىل تۇقىمدى مىق مالىنىڭ جالپى پاداداعى ۇلەس سالماعى – 26 پايىزدى قۇراپ، رەسپۋبليكادا الدىڭعى قاتاردان كورىنگەندىگىن تىلگە تيەك ەتتى. سونداي-اق، «ىرىس» باعدارلاماسى بويىنشا زاماناۋي 2 ءسۇت تاۋارلى فەرماسى قۇرىلىپ، قازىرگى ۋاقىتتى بايزاق اۋدانىنداعى «اقجار» جانە جامبىل اۋدانىنداعى «بىرلىك» شارۋا قوجالىقتارى يگىلىگىن كورىپ جاتىر.
«اعىمداعى جىلى 1500 توننا سيىر جانە 2000 توننا قوي ەتىن ەكسپورتتاۋ جوسپارلانسا، جىل باسىنان 2106,8 توننا ەت يران، باحرەين، كاتارعا، بىرىككەن اراب امىرلىكتەرى جانە رەسەي، وزبەكستان، قىرعىزستان ەلدەرىنە ەكسپورتتالدى. ونىڭ 1127,7 تونناسى سيىر، 979,1 تونناسى قوي ەتى. وبلىستا سىيىمدىلىعى 27,0 مىڭ باستى قۇرايتىن، 11 ءىرى بورداقىلاۋ الاڭدارى جۇمىس ىستەيدى. بۇگىنگى كۇنى بۇل الاڭداردا 3 523 باس بۇقاشىق بورداقىلانۋدا»، - دەدى باسقارما باسشىسى.
جالپى «سىباعا» جانە «ىرىس» باعدارلامالارىنىڭ ارقاسىندا جامبىل وبلىسىندا اۋىل شارۋاشىلىعى دامىپ، كاسىپكەرلەرگە زور قولداۋ جاسالىپ وتىر.
«ادىرنا»
ۇلتتىق پورتالى
