Ózge óńirlermen salystyrǵanda Jambyl oblysy aýyl sharýashylyq salasy jaqsy damyǵan. Ásirese Áýlıeata óńiri mal sharýashylyǵyn damytyp, kásip bastaýǵa taptyrmaıtyn meken.
blys ákimdiginiń aýyl sharýashylyǵy basqarmasynyń basshysy Berik Nyǵmashevtyń aıtýynsha, óńirde sońǵy úsh jylda shet elden 6 myńǵa jýyq múıizdi iri qara satyp alyndy. Bul týraly oblysta et ónimin damytý kartasy ázirlengen.
2018-2027 jyldar aralyǵynda et baǵytyna baǵyttalǵan 3 myń fermer sharýashylyǵy uıymdastyrylyp, shetelden jalpy 36 myń bas múıizdi iri qara satyp alý josparlanyp otyr. Osy sharalardyń nátıjesinde óndiristik bordaqylaý alańdarynda óndiriletin sıyr eti 2,7 myń tonnadan 16,8 myń tonnaǵa, eksport kólemi 2,5 myń tonnaǵa jetkiziledi. Aımaqta mal basy sany artyp keledi. Bıylǵy jyly oblystaǵy múıizdi iri qara sany – 400,8 myń basty qurap, ótken jylmen salystyrǵanda 4,1 paıyzǵa ósti. «Sybaǵa» baǵdarlamasy arqyly shetelden bıyl jyl basynan beri 2 923 bas múıizdi iri qara maly ákelindi. Nátıjesinde, asyl tuqymdy mal basy artyp, sońǵy úsh jylda shetelden 6 myńǵa jýyq MIQ jetkizildi», - deıdi Berik Nyǵmashev.
Basqarma basshysy osylardyń negizinde oblysta 5 reprodýktor-sharýashylyq qurylyp, oblysta asyl tuqymdy MIQ malynyń jalpy padadaǵy úles salmaǵy – 26 paıyzdy qurap, respýblıkada aldyńǵy qatardan kóringendigin tilge tıek etti. Sondaı-aq, «Yrys» baǵdarlamasy boıynsha zamanaýı 2 sút taýarly fermasy qurylyp, qazirgi ýaqytty Baızaq aýdanyndaǵy «Aqjar» jáne Jambyl aýdanyndaǵy «Birlik» sharýa qojalyqtary ıgiligin kórip jatyr.
«Aǵymdaǵy jyly 1500 tonna sıyr jáne 2000 tonna qoı etin eksporttaý josparlansa, jyl basynan 2106,8 tonna et Iran, Bahreın, Katarǵa, Birikken Arab Ámirlikteri jáne Reseı, Ózbekstan, Qyrǵyzstan elderine eksporttaldy. Onyń 1127,7 tonnasy sıyr, 979,1 tonnasy qoı eti. Oblysta syıymdylyǵy 27,0 myń basty quraıtyn, 11 iri bordaqylaý alańdary jumys isteıdi. Búgingi kúni bul alańdarda 3 523 bas buqashyq bordaqylanýda», - dedi basqarma basshysy.
Jalpy «Sybaǵa» jáne «Yrys» baǵdarlamalarynyń arqasynda Jambyl oblysynda aýyl sharýashylyǵy damyp, kásipkerlerge zor qoldaý jasalyp otyr.
«ADYRNA»
ulttyq portaly
