ساپا مەنەدجمەنتتى حالىقارالىق جۇيەگە سايكەس تەڭىزشىلەرگە ديپلوم بەرۋ جانە دايىنداۋ بويىنشا ۇلتتىق ستاندارتتىق تەكسەرۋ جۇرگىزىلدى
تەڭىزشىلەردى دايىنداۋ جانە ديپلومداۋ، ۆاحتانى اتقارۋ بويىنشا حالىقارالىق كونۆەنتسيانىڭ تالاپتارىنا سايكەس DQS Holding GmbH سەرتيفيكاتتاۋ جونىندەگى حالىقارالىق كومپانياسى كولىك كوميتەتىندە ISO 9001:2015 حالىقارالىق ستاندارتىنىڭ تالاپتارىنا سايكەستىگىنە ساپا مەنەدجمەنتى جۇيەسىنىڭ (بۇدان ءارى – سمج) قاداعالاۋ ءاۋديتىن وتكىزدى.
وسى سمج تەڭىزشىلەردىڭ كاسىبي ديپلومدارىن جانە ولاردىڭ راستاۋلارىن، جەڭىلدىك رۇقساتىن، سونداي-اق تەڭىز ءبىلىم بەرۋ ۇيىمدارى مەن تەڭىز ترەناجەر ورتالىقتارىن كۋالاندىرۋ، ولاردىڭ وقۋ باعدارلامالارىن كەلىسۋ بەرۋ كەزىندە ۇستانۋ ءۇشىن مىندەتتى ساپا ستاندارتتارىن بەلگىلەيدى.
سمج-ءنىڭ بولۋى حالىقارالىق ستاندارتارعا سايكەس قىزمەتتەردى قولداۋ بويىنشا ءتيىمدى مونيتورينگتى جانە شارالاردى ۋاقتىلى قابىلداۋدى قامتاماسىز ەتەدى.
اعىمداعى جىلدىڭ 18 قاراشاسىندا قاداعالاۋ ءاۋديتىنىڭ قورىتىندىسى بويىنشا سمج حالىقارالىق تالاپتارعا سايكەستىگى ءساتتى راستالدى جانە ISO 9001:2015 سەرتيفيكاتى جانە سەرتيفيكاتتاۋ ورگاندارىنىڭ حالىقارالىق قاۋىمداستىعىنىڭ IQ Net سەرتيفيكاتى ۇزارتىلدى.
قر يدم كولىك كوميتەتىنىڭ ءباسپاسوز قىزمەتى
