شەكاراشىلار اۆتوكولىگىنە جاساندى مەملەكەتتىك ءنومىر جابىستىرىپ العان سالافيت جىگىتتى قۇرىقتادى.

3037
Adyrna.kz Telegram

2019 جىلدىڭ 28 قازان كۇنى تاڭعى ساعات 05.30 مينۋت شاماسىندا، رەسەي فەدەراتسياسىنىڭ نوۆوسيبيرسك قالاسى-قر وسكەمەن قالاسى باعىتىندا «TOYOTA MARK II» ماركالى كولىگىن تىزگەندەگەن جۇرگىزۋشى «ۋبە اۆتو» شەكارا ءبوپ-نە كەلگەن. شەكارا قىزمەتكەرلەرى جۇرگىزۋشىدەن پسەۆدوسالافيلىك ءدىني اعىم وكىلدەرىنىڭ بەلگىلەرىن بايقاعان. (ۇقىپسىز وسىرىلگەن ساقال، قىسقا بالاقتى شالبار جانە ءدىني تەرمين فرازالارىن قولدانۋ) جۇرگىزۋشىنىڭ جەكە مەنشىك كولىگىنىڭ قۇجاتتارىن تەكسەرۋ كەزىندە كولىك قۇجاتىنىڭ سايكەس كەلمەۋ فاكتىلەرى انىقتالدى. جۇرگىزۋشى نوۆوسيبير-وسكەمەن قالالارى ارالىعىندا ادام تاسىمالداۋمەن اينالىسىپ جۇرگەن ۇلتى ورىس، سالافيزم اعىمىن ۇستانۋشى ك.د - ەسىمدى قر-نىڭ ازاماتى ەكەنى بەلگىلى بولدى.

قازىرگى ۋاقىتتا «جالعان ءنومىر جاساعىش» سالافيزم اعىمىنىڭ جاقتاسىنا شەمونايحا اۋداندىق پوليتسيا بولىمىمەن تەرگەۋ ءىس-شارالارى جۇرگىزىلىپ، قر قك-ءنىڭ 386 بابىنىڭ 1-تارماعىنا سايكەس جالعان مەملەكەتتىك ءنومىر جاساعانى ءۇشىن قىلمىستىق ءىس قاراستىرىلۋدا.

پىكىرلەر