حالىقارالىق جۇك تاسىمالداۋشىلارعا رۇقسات قاعازدى الۋعا جانە شەتەلدىك رۇقسات بلانكىلەرىن، سونىڭ ىشىندە قىتاي «س» ءتۇرىنىڭ رۇقساتىن الۋ ۇسىنىلدى
2019 جىلدىڭ 20 قاراشا كۇنى الماتى قالاسى اكىمدىگىنىڭ ءباسپاسوز ورتالىعىندا حالىقارالىق جۇك تاسىمالداۋمەن اينالىساتىن اۆتوكولىككە رۇقسات قاعازدى بەرۋ ماسەلەسى بويىنشا بريفينگ ءوتتى.
بريفينگ بارىسىندا قر يدم كولىك كوميتەتى احۋالدىق ورتالىعىنىڭ باسشىسى قۋانىش ەرمۇحانوۆ كاسىپكەرلىكتى قولداۋ اياسىندا يندۋستريا جانە ينفراقۇرىلىمدىق دامۋ مينيسترلىگى كولىك كوميتەتىنىڭ اكىمشىلىك كەدەرگىلەردى ەداۋىر قىسقارتقانىن، حالىقارالىق جۇك تاسىمالداۋمەن اينالىساتىن اۆتوكولىككە رۇقسات قاعازدى بەرۋ پروتسەدۋرالارىنىڭ جەڭىلدەگەنىن ايتتى.
حالىقارالىق كولىك تاسىمالىن جۇرگىزۋ كۋالىگىن جانە رۇقسات قاعازدى الۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى جانە www.egov.kz, www.elicense.kz ۆەب-پورتالدارى ارقىلى ءوتىنىش بەرۋ مۇمكىندىگى قاراستىرىلعان.
مەملەكەتتىك قىزمەت كورسەتۋ مەرزىمى – ءۇش جۇمىس كۇنى.
قۋانىش ەرمۇحانوۆ جۇك تاسىمالداۋشىلاردى دەلدالداردىڭ قىزمەتىنە جۇگىنبەي، بىردەن رۇقسات قاعازدى الۋعا جانە شەتەلدىك رۇقسات بلانكىلەرىن، سونىڭ ىشىندە قىتاي «س» ءتۇرىنىڭ رۇقساتىن الۋعا شاقىردى
- حالىقارالىق جۇك تاسىمالى رۇقسات ەتىلمەگەن كولىكتەردى (ترانسپورتنوە سرەدستۆو) انىقتاۋ بويىنشا جۇمىستار جالعاساتىن بولادى، - دەپ اتاپ ءوتتى قۋانىش ەرمۇحانوۆ.
الماتى قالاسى بويىنشا كولىكتى باقىلاۋ ينسپەكتسياسىنىڭ باسشىسى حاميتبەك پەتراليەۆ بۇگىنگى كۇنگە دەيىن حالىقارالىق جۇك تاسىمالداۋ كۋالىگى مەن كارتوچكاسىنىڭ جارامسىزدىعى تۋرالى ون كومپانياعا سوت تالابىنىڭ (يسك) جىبەرىلگەنىن، قازىرگى كەزدە ولاردىڭ الماتى قالاسىنىڭ ارنايى اۋدانارالىق ەكونوميكالىق سوتىندا قارالىپ جاتقانىن ايتتى.
كاسىپكەرلەرگە ىڭعايلى بولۋ ءۇشىن مينيسترلىكتىڭ رەسمي سايتىنداعى «اۆتوموبيل كولىگى» بولىمىندە قاي ەلدەرگە شىعۋعا بولاتىندىعى تۋرالى اقپارات جاريالانعان. حالىقارالىق قوعامداستىقتا جۇكتى حالىقارالىق تاسىمالداۋمەن اينالىساتىندار ءۇشىن شەتەلدىك رۇقساتتى الۋ ءۇشىن ءوتىنىشتى ەلەكتروندى جۇيە بويىنشا بەرۋگە بولاتىندىعى جانە حالىقارالىق جۇك تاسىمالىنا قاتىستى باسقا دا اقپاراتتاردى ءبىلۋ ءۇشىن كولىك كوميتەتى اعىمداعى جىلدىڭ قاراشا ايىنىڭ باسىندا ارنايى @tasymaldau تەلەگرامم-كانالىن اشتى.
قازىرگى كەزدە رۇقسات بەرۋ جۇيەسىن قولدانۋ ەرەجەسىنە وزگەرىستەر مەن تولىقتىرۋلار ەنگىزىلدى، ونىڭ ىشىندە شەتەلدىك رۇقسات قاعاز بەرىلگەن كەزدە كولىكتىڭ ماركاسى مەن مەملەكەتتىك ءنومىرى مىندەتتى تۇردە كورسەتىلۋى ءتيىس. قازىرگى كەزدە ءتيىستى بۇيرىق قازاقستان رەسپۋبليكاسىنىڭ ادىلەت مينيسترلىگىندە جاتىر.
مۇنداي ناقتىلى شارالار شەتەلدىك رۇقسات قاعازداردى ءۇشىنشى بىرەۋلەرگە بەرۋگە تىيىم سالادى، ولاردى قايتا ساتۋدىڭ جانە رۇقسات قاعازداردىڭ تاپشىلىعىن جاساۋدىڭ الدىن الادى.
بۇدان وزگە، كوميتەت كولىكتى تسيفرلاندىرۋ اياسىندا قىتاي حالىق رەسپۋبليكاسىنىڭ شەكاراسىنداعى «نۇر جولى» ءاۆتوموبيلدى وتكىزۋ پۋنكتىندە شەتەلدىك رۇقسات بانكىلەرىن اۆتوماتتى تۇردە بەرەتىن تەستىلىك رەجيمدەگى پيلوتتى جوبانى ەنگىزدى. بۇل جوبانى قىتايلىق تاراپ قولدادى جانە قازاننىڭ ءۇشىنشى ونكۇندىگىندە وسى جوبانى ەنگىزۋ جونىندە قوسىمشا كەزدەسۋلەر ءوتتى.
رۇقسات بەرۋدىڭ قاعاز بلانكىلەرىن ەلەكتروندى فورماتقا كوشىرۋ جانە ولاردى اۆتوماتتى رەجيمدە بەرۋ بلانكىلەر تاپشىلىعىنىڭ الدىن الادى جانە ولاردى ءۇشىنشى بىرەۋلەرگە بەرۋدىڭ جولىن كەسەدى، - دەپ قورىتىندىلادى ءسوزىن حاميتبەك پەتراليەۆ.
ءباسپاسوز ورتالىعىندا وتكەن بريفينگكە الماتى قالاسىنىڭ كولىك كومپانيالارىنىڭ وكىلدەرى قاتىستى جانە وسى ماسەلەلەر بويىنشا قوسىمشا اقپاراتتار الدى.
