"ناماز وقىعان سوڭ سەنىپ ەدىم". قىزدى زورلاماق بولعان جىگىت ۇستالدى

4481

بۇرىن ءدىندى ۇستانىپ، ناماز وقىپ جۇرگەن ادامدارعا حالىق زور قۇرمەتپەن قارايتىن. ال قازىر قوعامدا تەرىس ءدىني اعىمداردى ۇستانۋشى ادامداردىڭ كەسىرىنەن كەلەڭسىز وقيعالار كوبەيىپ، ءدىننىڭ قادىرىن دە بەك كەتىرىپ جىبەرگەنى ەشكىمگە جاسىرىن ەمەس. مىنا سوراقى وقيعا 2019 جىلدىڭ 07 قاراشا كۇنى قازاقىلىقتىڭ قايماعى بۇزىلماعان زايسان قالاسىندا ورىن الدى.
تاڭعى ساعات 08.15 مينۋتتا اۋداندىق پوليتسيا بولىمشەسىنە 1994 جىلى تۋعان س. ەسىمدى ازاماتشا كەلىپ ارىزدانادى. ارىزدانۋشى قىز جۋىقتا تانىسقان ا. ەسىمدى نامازحان جىگىت ونى تۇندە اۆتوكولىك ىشىندە كۇش كورسەتىپ، زورلاۋعا ارەكەتتەنگەنىن باياندادى. جابىرلەنۋشى قىز زورلىقشىنىڭ ارەكەتىنە تۇبەگەيلى قارسىلىق ءبىلدىرىپ، اۆتوكولىكتىڭ تەرەزەسىن سىندىرۋ ارقىلى قاشىپ قۇتىلعان. تاڭەرتەڭ پوليتسياعا ارىزدانۋعا ءماجبۇر بولعان. بويجەتكەن جىگىتتىڭ ناماز وقيتىنىن بىلگەندىكتەن ودان ەش كۇدىكتەنبەي، ياعني مۇسىلمانعا جات ارەكەت كۇتپەگەن.
پوليتسيا قىزمەتكەرلەرى وقيعا ورنىنان ۆاز-21114 كولىگىنىڭ تەرەزە اينەك سىنىقتارىن، جەلقاعار ۇساق بولشەكتەرىن، توقىلعان اق ءتۇستى باس كيىم، رەزەڭكە شاشباۋ، ۇيالى تەلەفوننىڭ قابى، سىرعانىڭ ءبىر جاق سىڭارىن جانە جۋىلعان قان داقتارىن تاپتى.
اتالعان وقيعا بويىنشا 1987 جىلى تۋعان ق.ا ەسىمدى زايسان قالاسىنىڭ تۇرعىنى كۇدىكتى رەتىندە تانىلىپ، ۋاقىتشا قاماۋعا الىندى. بەلگىلى بولعانداي، كۇدىكتى ازاماتتىڭ ءداستۇرلى ەمەس سالافيزم دەسترۋكتيۆتى ءدىني اعىمىنىڭ يدەولوگياسىن ۇستانۋشى ەكەندىگى انىقتالدى.
اتالعان وقيعا بويىنشا سوتقا دەيىنگى تەرگەۋ امالدارى باستالىپ، قر قىلمىستىق كودەكسىنىڭ 121-بابىنىڭ 1-تارماعى بويىنشا قىلمىستىق ءىس قوزعالدى.

پىكىرلەر