"Namaz oqyǵan soń senip edim". Qyzdy zorlamaq bolǵan jigit ustaldy

4499

Buryn dindi ustanyp, namaz oqyp júrgen adamdarǵa halyq zor qurmetpen qaraıtyn. Al qazir qoǵamda teris dinı aǵymdardy ustanýshy adamdardyń kesirinen keleńsiz oqıǵalar kóbeıip, dinniń qadirin de bek ketirip jibergeni eshkimge jasyryn emes. Myna soraqy oqıǵa 2019 jyldyń 07 qarasha kúni qazaqylyqtyń qaımaǵy buzylmaǵan Zaısan qalasynda oryn aldy.
Tańǵy saǵat 08.15 mınýtta aýdandyq polıııa bólimshesine 1994 jyly týǵan S. esimdi azamatsha kelip aryzdanady. Aryzdanýshy qyz jýyqta tanysqan A. esimdi namazhan jigit ony túnde avtokólik ishinde kúsh kórsetip, zorlaýǵa árekettengenin baıandady. Jábirlenýshi qyz zorlyqshynyń áreketine túbegeıli qarsylyq bildirip, avtokóliktiń terezesin syndyrý arqyly qashyp qutylǵan. Tańerteń polıııaǵa aryzdanýǵa májbúr bolǵan. Boıjetken jigittiń namaz oqıtynyn bilgendikten odan esh kúdiktenbeı, ıaǵnı musylmanǵa jat áreket kútpegen.
Polıııa qyzmetkerleri oqıǵa ornynan VAZ-21114 kóliginiń tereze áınek synyqtaryn, jelqaǵar usaq bólshekterin, toqylǵan aq tústi bas kıim, rezeńke shashbaý, uıaly telefonnyń qaby, syrǵanyń bir jaq syńaryn jáne jýylǵan qan daqtaryn tapty.
Atalǵan oqıǵa boıynsha 1987 jyly týǵan Q.A esimdi Zaısan qalasynyń turǵyny kúdikti retinde tanylyp, ýaqytsha qamaýǵa alyndy. Belgili bolǵandaı, kúdikti azamattyń dástúrli emes salafızm destrýktıvti dinı aǵymynyń ıdeologııasyn ustanýshy ekendigi anyqtaldy.
Atalǵan oqıǵa boıynsha sotqa deıingi tergeý amaldary bastalyp, QR Qylmystyq kodeksiniń 121-babynyń 1-tarmaǵy boıynsha qylmystyq is qozǵaldy.

Pikirler