ءمۇسىن مانشۇك مامەتوۆا. سۋرەت Beigenews.kz
جاقىندا سەمەيدەگى (شىعىس قازاقستان وبلىسى) جەڭىس الاڭىندا اتى اڭىزعا اينالعان پۋلەمەتشى مانشۇك مامەتوۆانىڭ اعاش ءمۇسىنى پايدا بولدى. ءمۇسىن ول جەردە ۇزاق تۇراقتامادى. جەرگىلىكتى بيلىك سوۆەت وداعىنىڭ باتىرى وزىنەن گورى بابا ياگاعا ۇقسايدى دەگەن تۇرعىنداردىڭ سىنىنا بايلانىستى الىپ تاستادى.
يۆان كۋرتۋكوۆتىڭ جۇمىسى. سۋرەت Beigenews.kz
ءمۇسىننىڭ اۆتورلارى، التاي قالاسىنىڭ (بۇرىنعى زىريانوۆسك) اعاش شەبەرلەرى يۆان كۋرتۋكوۆ پەن ونىڭ ايەلى يۋليا سىنعا كەلىسپەدى. «مەنىڭ ويىمشا، نەگاتيۆتى كوزقاراستى قالىپتاستىرۋعا تىرىساتىندار، قولىنان ەشتەڭە كەلمەيتىن ادامدار»، - دەدى يۋيا. الايدا Baigenews جۋرناليستەرى ونىڭ كۇيەۋى يۆاننىڭ جاقىندا عانا ادامداردىڭ مۇسىندەرىمەن جۇمىس ىستەي باستاعانىن، وعان دەيىن كوبىنەسە ەرتەگى كەيىپكەرلەرىنىڭ مۇسىندەرىن ويىپ، جاساعانىن انىقتادى. وسى جىلدىڭ مامىر ايىندا تۋعان اۋىلىنا جاۋىنگەردىڭ ءمۇسىنىن سىيلاعان يۆان ءبىرىنشى رەت ادامنىڭ ءمۇسىنىن قيعانىن، پروپورتسيانى ساقتاۋدا قيىندىقتارعا تاپ بولعانىن مويىندادى.
«انا مەن بالا». سۋرەتتەر Tengrinews.kz
وسى جىلدىڭ باسىندا الماتىداعى پەرزەنتحانالاردىڭ ءبىرىنىڭ جانىندا «انا مەن بالا» كومپوزيتسياسى قىزۋ تالقىلاندى. پىكىرلەردە الەۋمەتتىك مەديا پايدالانۋشىلارى بالانى دوببيمەن (گارري پوتتەر كىتاپتارىنداعى كەيىپكەر) جانە قورقىنىشتى فيلم كەيىپكەرلەرىمەن سالىستىردى.
«№ 0027 نىسان». سۋرەت Tengrinews.kz
وتكەن كۇزدە قازاقستان استاناسىنداعى «جاستار» سارايىنىڭ الدىندا «№ 0027 نىسان» قوندىرعىسى ورناتىلدى. شىمكەنتتىك سۋرەتشى سىرلىبەك بەكبوتاەۆتىڭ تۋىندىسى Astana Art Show 2018 كورمەسىنىڭ اياسىندا پايدا بولدى. ونى كورگەندەر تەك ءبىر عانا سۇراق قويدى: «بۇل نە تۋرالى؟» اۆتور بۇعان جاۋاپ بەرگەن جوق. «ادامدار كوبىنەسە سيپاتتامانى ىزدەيدى. مۇمكىن ءبىز جالقاۋمىز، مۇمكىن بىزگە بارلىعىن تۇسىندىرۋگە ۇيرەنىپ قالعان شىعارمىز »، - دەپ جازدى ول كورەرمەنگە ەركىن ويلاۋعا مۇمكىندىك بەرگەنىن.
كۋپالنيكتەردەگى ايەلدەر. «الماتى تۋرالى» Facebook قاۋىمداستىعىنان الىنعان سۋرەت
بۇدان ءبىراز ۋاقىت بۇرىن، 2018 جىلدىڭ جازىندا، الەۋمەتتىك جەلىلەردىڭ قولدانۋشىلارى الماتى قالاسىنىڭ ورتالىق كوشەلەرىنىڭ بىرىندە ورناتىلعان كۋپالنيكتەردەگى ايەلدەردىڭ مۇسىندەرىنە نارازىلىق ءبىلدىردى.بۇعان جۇمسالعان اقشا «پايدالى نارسەلەرگە» جۇمسالۋى كەرەك ەدى دەگەن پىكىرلەر وتە كوپ بولدى. مۇسىندەردىڭ ايگىلى فرانتسۋز سۋرەتشىسى نيككي دە سەنت-فوللدىڭ جۇمىسىن تولىعىمەن قايتالايتىنىن بايقاعان ادامدار دا بولدى.
اباي مەن ميحاەليسكە ەسكەرتكىش. سۋرەت Yk-news.kz سايتىنان
وسكەمەندە بىرنەشە جىل بۇرىن اقىن اباي قۇنانباەۆ پەن عالىم ەۆگەني ميحاەليسكە ەسكەرتكىش ورناتىلدى. ۆلاديمير سامويلوۆ پەن ەۆگەني نەپيانوۆ جاساعان ءتورت مەترلىك ءمۇسىن ءبىر كۇن عانا تۇردى، سودان كەيىن ول بولشەكتەلدى. قالا تۇرعىندارى ونى «اباي مەن ميحاەليستىڭ سەلفيى» دەپ اتادى.
باري اليباسوۆتىڭ ەسكەرتكىشى بۇلىنگەن. سۋرەت Tengrinews.kz
سول وسكەمەندە، وزەن جاعاسىندا، باري اليباسوۆتىڭ ءمۇسىنىن كورۋگە بولاتىن ەدى. الايدا التىنداتىلعان شوۋمەننىڭ ءمۇسىنىن ۇنەمى ۆاندالدار بۇزىپ وتىردى. ماسەلەن، بىلتىر ونىڭ اياعى جۇلىنعان بولاتىن. وتكەن كوكتەمدە ءمۇسىن تولىعىمەن بۇزىلدى.
Ng.kz سايتىنىڭ فوتوسى Time.kz سايتىنىڭ فوتوسى
2012 جىلدىڭ قاراشا ايىندا زاتوبولسك كەنتىنىڭ ورتالىعىنا (قوستاناي وبلىسى), ورناتىلعان مۇسىندەر پوليگونعا جىبەرىلگەنشە بۇكىل قازاقستانعا كۇلكى بولدى. ولاردىڭ ءبىرى - ۇل مەن قاسقىر بەينەلەنگەن - «كوكسەرەك» («جاس قاسقىر») دەپ اتالدى. ەكىنشىسى - «سەنىمدى قاناتتىڭ استىندا» دەپ اتالادى. ولار حالىق اراسىندا تاعى بىرنەشە لاقاپ اتتارعا يە بولدى: «باباي-سۋتەنەر» جانە «قاسقىر-پەدوفيل». بۇل مۇسىندەردىڭ اۆتورلارى نەنى ايتقىسى كەلگەنى قۇپيا بولىپ قالا بەردى.
قۇستاردىڭ فيگۋرالارى. Facebook-تەن باعدات يزماعامبەتتىڭ سۋرەتتەرى
باتىس قازاقستان وبلىسىندا تاۋەلسىزدىكتىڭ 25 جىلدىعىنا ارنالعان ەسكەرتكىش تاڭقالارلىق بولدى. ول تۋرالى ورالداعى جۋرناليست باعدات ىزماگامبەت جازدى. ءمۇسىن اقجايىق اۋدانىندا پايدا بولدى. وندا ەكى قۇستىڭ قۇرىلىمى انىقتاۋعا بولادى. (بارى سول).
سوڭعى جىلدارى قازاقستاندا ابايعا ەسكەرتكىشتەر مەن بيۋستتەر كوپتەپ اشىلدى. بىراق كەيبىر قالالاردا ولار الەمدىك پرولەتارياتتىڭ جەتەكشىسى ۆلاديمير لەنينگە قاتتى ۇقسايدى دەگەن كۇدىككە ءىلىندى. مىسالى، التايدا (شىعىس قازاقستان وبلىسى), اباي 2015 جىلى جەرگىلىكتى "گورنياك" مادەنيەت ءۇيىنىڭ تۇعىرىنا كوتەرىلدى.
وسىنداي جاعداي ستەپنوگورسك قالاسىندا (اقمولا وبلىسى) قالىپتاستى. الەۋمەتتىك جەلىلەردە قازاق اقىنىنىڭ ءبيۋستى لەنيننىڭ ەسكەرتكىشىنەن «باسىن» الىپ تاستاپ، ورنىنا ابايدىڭ "باسىن" وڭدەي سالعان، ال تۇعىرعا «اباي قۇنانباەۆ» دەگەن جازۋ جازىلعان دەگەن پىكىرلەردى جەرگىلىكتى بيلىككە رەسمي تۇردە جوققا شىعارۋعا تۋرا كەلدى.
اننا كوزىرەۆا، "فەرگانا"
دايىنداعان "ادىرنا" ۇلتتىق پورتالى
