لۋۆر مۋزەيى پاريجدەگى تەراكتىلەرگە بايلانىستى ۋاقىتشا جابىلدى، دەپ حابارلايدى kazmuseum.kz ءتىلشىسى مۋزەيدىڭ سايتىنا سىلتەمە جاساپ.
پاريجدەگى قايعىلى جاعدايعا بايلانىستى فرانتسيادا ءۇش كۇن بويى قارالى كۇن جاريالاندى. وسىعان بايلانىستى ەلدەگى بىرنەشە مادەني ورىندار جۇمىس ىستەۋىن ۋاقىتشا توقتاتتى. ولاردىڭ قاتارىندا لۋۆر، ۆەرسال مۋزەيلەرى مەن پاريجدىك ديسنەيلەند جانە ەيفەل مۇناراسى دا بار.ايتا وتەيىك، قاراشانىڭ 13-ءى كۇنى (استانا ۋاقىتىمەن 14-ءشى قاراشا كۇنى) پاريجدەگى رەستورانداردىڭ بىرىندە اتىس بولىپ، سوڭىنان قالانىڭ ءۇش جەرىندە جارىلىستار بولعان. سالدارىنان 127 بەيبىت تۇرعىن قازا تاۋىپ، 205-گە جۋىق ادام اۋىر جاراقاتتانعان. فرانتسيانىڭ بۇقارالىق اقپارات قۇرالدارىنا تاراتقان دەرەكتەردە «جارىلىستاردى «يشيم» سودىرلارى ۇيىمداستىردى» دەپ حابارلاعان.قايعىلى وقيعاعا بايلانىستى قازاقستان پرەزيدەنتى نۇرسۇلتان نازارباەۆ قازاقستان حالقى اتىنان كوڭىل ايتتى، دەپ حابارلادى اقوردانىڭ ءباسپاسوز قىزمەتى.
