Luvr muzeiı Parijdegı teraktılerge bailanysty uaqytşa jabyldy, dep habarlaidy kazmuseum.kz tılşısı muzeidıŋ saityna sılteme jasap.
Parijdegı qaiǧyly jaǧdaiǧa bailanysty Fransiiada üş kün boiy qaraly kün jariialandy. Osyǧan bailanysty eldegı bırneşe mädeni oryndar jūmys ısteuın uaqytşa toqtatty. Olardyŋ qatarynda Luvr, Versal muzeilerı men parijdık Disneilend jäne Eifel mūnarasy da bar.Aita öteiık, qaraşanyŋ 13-ı künı (Astana uaqytymen 14-şı qaraşa künı) Parijdegı restorandardyŋ bırınde atys bolyp, soŋynan qalanyŋ üş jerınde jarylystar bolǧan. Saldarynan 127 beibıt tūrǧyn qaza tauyp, 205-ge juyq adam auyr jaraqattanǧan. Fransiianyŋ būqaralyq aqparat qūraldaryna taratqan derekterde «jarylystardy «İŞİM» sodyrlary ūiymdastyrdy» dep habarlaǧan.Qaiǧyly oqiǧaǧa bailanysty Qazaqstan Prezidentı Nūrsūltan Nazarbaev Qazaqstan halqy atynan köŋıl aitty, dep habarlady Aqordanyŋ baspasöz qyzmetı.
