شەيحتاردىڭ ەسىمدەرىن نۇر-سۇلتان مەكتەپتەرىنە بەرۋ ۇسىنىلدى، نۇر-سۇلتانداعى بىرنەشە مەكتەپتەردىڭ اتى وزگەرمەك - دەپ حابارلايدى Tengrinews.kz.
«نۇر-سۇلتان قالاسى - ەلىمىزدىڭ استاناسى، ول قازاقستاننىڭ بارلىق وڭىرلەرى ءۇشىن ۇلگى بولىپ تابىلادى. سوندىقتان نىسانداردىڭ اتاۋلارى ونىڭ سىرتقى كەلبەتى مەن مارتەبەسىنە سايكەس كەلۋى كەرەك. مەكتەپتەر ءبىلىم بەرۋ جۇيەسىندەگى نەگىزگى بۋىنداردىڭ ءبىرى بولىپ تابىلادى. ولاردىڭ ىشىندە 10 مەكەمەگە قازاقستاننىڭ بەلگىلى تۇلعالارىنىڭ ەسىمدەرى بەرىلگەن »، - دەدى نۇر-سۇلتان قالاسىنىڭ تىلدەردى دامىتۋ جانە مۇراعات ءىسى باسقارماسىنىڭ باستىعى تىلەۋعالي قىشقاشباەۆ.
«قالالىق ونوماستيكا كوميسسياسىنا مەكتەپتەرگە ەسىمدەر بەرۋ تۋرالى كوپتەگەن وتىنىشتەر كەلىپ ءتۇستى. وسىلايشا، 2019 جىلعى 3 قازاندا قالالىق ونوماستيكالىق كوميسسيا 12 ءبىلىم بەرۋ ۇيىمىنا ەسىمدەر بەرۋ جونىندەگى ۇسىنىستاردى قاراپ، قولدادى»، - دەدى ول.
№10 مەكتەپ-گيمنازياسىنا جۇمابەك تاشەنوۆ، №48 مەكتەپ-ليتسەيىنە - احمەت بايتۇرسىنوۆ، № 52 مەكتەپ-گيمنازياسى - بەيىمبەت مايلين، № 56 - شاكارىم قۇدايبەردىۇلى، № 57 مەكتەپكە - ءماشھۇر ءجۇسىپ كوپەيۇلىنىڭ ەسىمى بەرىلۋى ۇسىنىلدى. № 58 گيمنازياعا - ءىلياس جانسۇگىروۆتىڭ اتى، №68 - مىرجاقىپ دۋلاتوۆ، № 76 - ءاليحان بوكەيحان، № 80 - ساكەن سەيفۋللين، № 84 - شەيح حاليفا بين زايد ان-ناحايان، № 85 - شەيح تامين بين حاماد ال-تاني، وقۋشىلار سارايىنا ءابۋ ناسىر ءال-فارابي ەسىمىن بەرۋ ۇسىنىلدى.
«وسى ۇسىنىستاردى ۇكىمەت جانىنداعى رەسپۋبليكالىق ونوماستيكالىق كوميسسياعا ۇسىنۋعا بايلانىستى ءبىز» نۇر-سۇلتان «ءماسليحاتىنىڭ قاراۋىنا قاۋلى جوباسىن ۇسىنىپ جاتىرمىز»، - دەپ تۇيىندەدى تىلەۋعالي قىشقاشباەۆ.
ءماسليحات دەپۋتاتتارى بۇل ۇسىنىستى قولدادى. شەيحتەردىڭ ەسىمى بەرىلسىن دەپ ۇسىنىلعان مەكتەپتەردىڭ قۇرىلىسى شەتەلدىك ينۆەستيتسيالار ەسەبىنەن جۇرگىزىلگەنىن ەسكەرتەمىز. سونىمەن، №85 مەكتەپكە اقشا كاتار مەملەكەتتىك دامۋ قورىنان ءبولىندى. اشىلۋ سالتاناتىنا نۇرسۇلتان نازارباەۆ قاتىستى.
