شومۇرادوۆقا «شتۋتگارت» 10 ميلليون ەۋرو ۇسىنىپ وتىر

663

وزبەكستاندىق شابۋىلشى ەۋروپانى اڭسايدى.

اگەنت:  "شتۋتگارت" 10 ميلليون ەۋرو ۇسىندى، تسسكا دا سونداي ۇسىنىس جاسادى .

«روستوۆ» شابۋىلشىسى ەلدور شومۇرادوۆتىڭ اگەنتى  كاحور مۋمينوۆ كليەنتىنىڭ  قىستا ەۋروپاعا كەتۋ مۇمكىندىگى تۋرالى ايتتى.

« Transfermarkt-تە شومۇرادوۆتىڭ "روستوۆقا" بارعان كەزدەگى باعاسى 750 مىڭ ەۋرو بولدى. بۇل وتىرىك اقپارات بولاتىن.  "روستوۆ" ول ءۇشىن بىرنەشە ەسە از تولەدى. قازىر ول ەڭ ۇزدىك بومباردير، جاقىندا كەلىسىمشارتتى ۇزارتتى، سوندىقتان بۇگىنگى تاڭدا رەيتينگ باسقاشا بولۋى كەرەك. نەگىزى، ويىنشىنىڭ باعاسى وعان ۇسىناتىن باعانىڭ كولەمىندە بولۋى كەرەك.

شتۋتگارت شامامەن 10 ميلليون ەۋرو ۇسىندى. تسسكا دا سالىستىرمالى وسىنداي ۇسىنىس جاسادى. بۇل جەردە شەشىم قابىلداۋ قۇقىعى "روستوۆتا" قالدى. ءبىز بۇل سۇراققا قىستا قايتادان ورالۋعا كەلىستىك، بىزدە ءوز باعامىزدى وسى مولشەردە قويامىز.

بىراق مەن "روستوۆتا" قىستا ترانسفەرگە شىعۋ قيىن بولاتىنىن كورىپ وتىرمىن،  ولاردىڭ ۇستانىمدارى ايقىن. جاقىندا مەن وزبەكستاندا بولدىم، ەلدورمەن جانە ونىڭ وتباسىمەن سويلەستىم. جازدا ءبىز كلۋب جوعارى ليگالاردىڭ بىرىنەن تاماشا ۇسىنىس السا، اۋىسۋدى تالاپ ەتەمىز، ويتكەنى ءبىز شومۋرودوۆ پەن "روستوۆ" كەلىسىم-شارتقا قول قويعان كەزدە كەلىسكەنبىز »، - دەدى مۋمينوۆ Sports.ru سايتىنا بەرگەن سۇحباتىندا.

Transfermarkt كومپانياسى شومۇرادوۆتى 2,5 ميلليون ەۋروعا باعالايدى.
24 جاستاعى ەلدور 2019/20 رپلدەگى 12 ماتچتا 10 گول سوعىپ، ماۋسىمنىڭ ۇزدىك بومبارديرلەر تىزىمىندە "كرىليا سوۆەتوۆتىڭ" شابۋىلشىسى الەكساندر سوبولەۆپەن ءبولىسىپ تۇر.

پىكىرلەر