قازاق حاندىعىنىڭ 550 جىلدىعىنا وراي 8&8 جشس-ءسى "قازاق حاندىعىنىڭ جىلناماسى" اتتى كاتالوگ ازىرلەگەن ەكەن. كاتالوگ ءىشى قاتەگە تۇڭىپ تۇر.
كاتالوگتا قازاق حاندىعىنىڭ تۋى دەپ بيىلعى جىلعى كەرەگە سيپاتىنداعى مەرەكەنى تويلاۋ بەلگى-نىشانى (ەمبلەما) بەرىلەدى. ودان بولەك، كازاق رۋلارىنىڭ تاڭباسى كونە تۇرىك تاڭبالارىن جاريالاعان. ونداعى ءماتىننىڭ ءوزى ادام ءتۇسىنىپ بولمايتىن دارەجەدە قاتەلىككە تولى. "اڭىز بويىنشا، "جەتىمسىز دالاداعى تاڭبالى نۇرا دەگەن جەردە جۇزدەردىڭ بارلىق رۋلارىنىڭ تاڭبالارى تاسقا ويىپ تۇسىرىلگەن. تاڭباعا بايلانىستى تالاستار نەمەسە قازاق رۋلارىنىڭ اراسىنداعى دامەگويلىك بولا قالعان جاعدايدا، وندا اقيقاتتى ايقىنداۋ ءۇشىن وسى جارتاسقا كەلىپ جۇرگەن..." دەلىنگەن ماتىندەگى وراشولاق سويلەمدەر بىردەن كوزگە ۇرادى. كونە سىعاناق قالاسىنىڭ ورنى دەپ مۇلدە باسقا قالانىڭ قيراندىلارىنىڭ سۋرەتىن بەرگەن ەكەن.
"قازاق قۇرىلتايى" دەگەن سۋرەتكە قاراپ تۇرىپ تاقىر جەرگە دوڭگەلەنە وتىرعان ونشاقتى ادامداردىڭ استىنان سىز وتپەدى مە ەكەن دەپ ۋايىمعا قالاسىز. الدىلارىندا اس تۇگىل، داستارحانى جوق ولار مال باعىپ ءجۇرىپ كەزدەسىپ قالعان شوپاندار ەمەس پە ەكەن دەپ تە ءبىر ويلاپ قوياسىز. قىسقاسى، كاتالوگ قازاق تاريحىن مازاق قىلىلۋعا ۇمتىلعان كاليكاتۋرا ءتارىزدى اسەر قالدىرادى.
كاتالوگ سوڭىندا "قۇراستىرۋشىلار: كرۋگليكوۆا سۆەتلانا ۆلاديميروۆنا، پەسينا ەلەنا ماركونا، باس رەداكتور: گ.ك. كولوسوۆا، سۋرەتشى: م.ب.سوپىبەكوۆ، قازاق تىلىنە اۋدارعاندار: م.ب.جاكيانوۆ، ە.ق.قويباعاروۆ" دەپ بەرىلگەنبۇل كاتالوگقا قازاق حاندىعىنا قاتىستى الدەبىر كونفەرەنتسيادا كەزدەستىك. ونداعى عالىمدار كاتالوگتى كورىپ، قايران قالدى. قۇراستىرۋشىلارعا سىن پىكىرلەرىن قارشا بوراتتى. ەڭ سوراقاسى، كاتالوگتى قۇراستىرۋشىلار عالىمداردىڭ پىكىرىنە قۇلاق اسۋعا مۇلدە پەيىل تانىتپادى.
ارمان اۋباكىر
