24 اقپاندا استانادا بەيبارىس سۇلتان اتىنداعى كوشەنىڭ اشىلۋ سالتاناتى ءوتتى، دەپ حابارلايدى «ادىرنا» ءتىلشىسى مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.
باسقارما باستاماسىمەن ۇيىمداستىرىلعان سالتاناتتى ءىس-شارا تاريحي تۇلعانىڭ 800 جىلدىعىنا ورايلاستىرىلدى. اسحات ورالوۆ اشىلۋ سالتاناتىنا قاتىستى.
«بۇل كۇنگە ءبىز وتە مۇقيات دايىندالدىق. ونىڭ ماڭىزدىلىعىن ەسكەرە وتىرىپ، مادەنيەت جانە سپورت مينيسترلىگى قازاقستاننىڭ استاناسىندا كورنەكتى قولباسشىنىڭ ەسىمىن ماڭگىلىككە قالدىرۋ تۋرالى شەشىم قابىلدادى»، - دەدى مينيستر.
جان-جاقتى تالداۋدان كەيىن تاڭداۋ سارىارقا اۋدانىنداعى №189 كوشەگە ءتۇستى. بۇل ۇزىندىعى 2 كم-دەن اساتىن التى جولاقتى كوشە.
«وسىنداي اۋقىمدى ءىس-شارالارمەن ءبىز بەيبارىس سۇلتاننىڭ مەرەيتويىن اتاپ ءوتىپ قانا قويماي، ءبىزدىڭ دە، بۇكىل تۇركى تاريحى ءۇشىن دە ماڭىزدى تۇلعاعا قۇرمەت كورسەتەمىز. ونىڭ تاعىلىمدى ىستەرىمەن جاس ۇرپاقتى تانىستىرامىز. بەيبارىس سۇلتان ەسىمىن حالىق جادىندا ماڭگى ساقتايمىز»، - دەپ اتاپ ءوتتى اسحات ورالوۆ.
بەيبارىس سۇلتاننىڭ 800 جىلدىعىنا ارنالعان اكتسيالار مۇنىمەن بىتپەيدى. بيىل مادەنيەت جانە سپورت مينيسترلىگى اتاۋلى كۇنگە وراي بىرقاتار ءىس-شارالاردى جوسپارلاپ وتىر. ولار بۇكىل ەلىمىزدە جانە ودان تىس جەرلەردە وتەدى.
