Türkiia prezidentı Rejep Taiyp Erdoǧan İzraildıŋ İranǧa jasaǧan şabuylyn aiyptady, dep habarlaidy “Adyrna” ūlttyq portaly.
Mälımetke säikes, Erdoǧan būl pıkırın Saud Arabiiasynyŋ mūrager hanzadasy Mūhammed ben Salmanmen telefon arqyly söilesken kezınde aitty. Äŋgıme barysynda taraptar İzrail men İran arasyndaǧy şielenıstı, sondai-aq basqa da aimaqtyq jäne jahandyq mäselelerdı talqylaǧan.
“İzrail İranǧa şabuyl jasau arqyly Taiau Şyǧystaǧy tūraqtylyq pen qauıpsızdıkke eŋ ülken qater töndırıp otyrǧanyn taǧy da däleldedı”, – dedı Türkiia prezidentı.
Erdoǧan sonymen qatar halyqaralyq qauymdastyqtyŋ İzraildıŋ Palestinadaǧy äreketterıne beijai qarauy Tel-Avivtıŋ agressiiasyn odan ärı küşeitkenın atap öttı.
Onyŋ aituynşa, İranǧa jasalǧan şabuyl iadrolyq kelıssözder jürıp jatqan şaqta oryn alyp, beibıt dialogqa kesırın tigızıp otyr.
“İzraildıŋ şabuyldary tek aimaqtyq emes, jahandyq qauıpsızdıkke de qauıp töndıredı. Mūndai daular tek diplomatiialyq jolmen, kelıssözder arqyly şeşıluı tiıs”, – dedı Erdoǧan.
Ūqsas jaŋalyqtar
