ماسۋد پەزەشكيان كورشى مەملەكەتتەرگە قاتىستى مالىمدەمە جاساپ، ولاردىڭ اۋماعىنا جاسالعان سوققىلار ءۇشىن كەشىرىم سۇرادى، دەپ حابارلايدى "ادىرنا" ۇلتتىق پورتالى.
يران پرەزيدەنتى تەلەارنا ارقىلى حالىققا جانە ايماق ەلدەرىنە ۇندەۋ جاساپ، ۋاقىتشا باسشىلىق كەڭەسى كورشى مەملەكەتتەرگە شابۋىل جاساماۋ تۋرالى شەشىم قابىلداعانىن ايتتى.
ونىڭ سوزىنشە، ەگەر كورشى ەلدەردىڭ اۋماعىنان يرانعا قارسى شابۋىل جاسالماسا، تەگەران دا ولارعا زىمىران ۇشىرمايدى.
«كەشە كەڭەس كورشى مەملەكەتتەرگە شابۋىل جاساماۋ جانە ولاردىڭ اۋماعىنان يرانعا قارسى ارەكەت بولماسا، زىمىران قولدانباۋ تۋرالى شەشىم قابىلدادى. بارلىق كەلىسپەۋشىلىك، الاڭداۋشىلىق پەن وكپەنى كەيىنگە قالدىرايىق»، – دەدى پەزەشكيان.
سونىمەن قاتار ول يراننىڭ ارەكەتتەرىنەن زارداپ شەككەن كورشى مەملەكەتتەردەن كەشىرىم سۇرادى.
ء«بىزدىڭ ايماقتاعى مەملەكەتتەرمەن جاۋلىعىمىز جوق. كورشىلەرىمىزدەن كەشىرىم سۇرايمىن. ەگەر يرانعا قارسى شابۋىل بولماسا، ءبىز تاراپىنان كورشى ەلدەرگە قارسى ەشقانداي اسكەري ارەكەت جاسالمايدى»، – دەدى يران پرەزيدەنتى.
