مارقۇم شەرزات پولاتتىڭ اكەسى قارجاۋباي نۇرىموۆ سوتتالعانداردان الىناتىن وتەماقىنى بالالار ۇيىنە اۋدارماق. بۇل تۋرالى سوتتا جابىرلەنۋشىلەردىڭ ادۆوكاتى بولعان مەيىرمان شەكەەۆ ايتتى، دەپ حابارلايدى «ادىرنا» ءتىلشىسى.
ول نۇرىموۆتىڭ قانداي دا ءبىر قارجىلاي وتەماقىعا قىزىقپاعانىن اتاپ ءوتتى.
«قارجاۋباي ولاردان ءبىر تيىن دا سۇراعىسى كەلمەدى. ءبىز ازاماتتىق تالاپ ارىز بەرۋدىڭ ماڭىزىن تۇسىندىردىك. شارتتى مەرزىم بولماس ءۇشىن مورالدىق اقىنى وتەۋ تالابىن قويۋ كەرەك ەكەنىن ايتقاندا عانا كەلىستى. ونىڭ وزىندە اقشا تۇسسە، ونى بالالار ۇيىنە اۋداراتىنىن مالىمدەدى»،—دەدى زاڭگەر.
سونداي-اق شەكەەۆ شەرزات پولاتتىڭ وتباسى الەۋمەتتىك جەلىدە ەشقانداي اقشا جيناماعانىن دا حابارلادى.
ەسكە سالايىق، 5 ماۋسىمدا شەرزات پولاتتىڭ ءىسى بويىنشا ۇكىم شىققان بولاتىن. باستى ايىپتالۋشى ابزال شىناسىل - 23 جىلعا، راۆيل ساكيەۆ 20 جىلعا تۇرمە جازاسىنا كەسىلدى. باسقا ايىپتالۋشىلارعا 1,5 جىلدان 15 جىلعا سوتتالدى. سوت جابىرلەنۋشىلەردىڭ مورالدىق جانە ماتەريالدىق وتەماقى ءوندىرىپ بەرۋ تۋرالى ءوتىنىشىن ءىشىنارا قاناعاتتاندىردى. ۇكىم بويىنشا شىناسىل ابزالدان جابىرلەنۋشىلەرگە - 60 ملن تەڭگە، ساكيەۆتەن 30 ملن تەڭگە وندىرىلەدى. بۇعان قوسا، ورتاق تارتىپپەن ديدار ىسقاقوان باسقا سوتتالۋشىلاردان 30 ملن تەڭگە وندىرىلەدى.
