يلون ماسك پەن اقش قارجى ءمينيسترى سكوتت بەسسەنت 17 ساۋىردە دونالد ترامپپەن كەزدەسۋدەن كەيىن اق ءۇيدىڭ دالىزىندە توبەلەسىپ قالعان، دەپ حابارلايدى "ادىرنا" ۇلتتىق پورتالى.
بۇل تۋرالى The Washington Post ستيۆ بەننونعا سىلتەمە جاساپ حابارلادى.
ونىڭ ايتۋىنشا، قاقتىعىس جاڭا سالىق قىزمەتىنىڭ باسشىسىن تاعايىنداۋعا قاتىستى كەلىسپەۋشىلىكتەن شىققان. پرەزيدەنت بەسسەنت ۇسىنعان كانديداتۋرانى قولداعان، ال ماسك ونى «تريلليونداردى بوسقا شاشتى» دەپ ايىپتاعان.
ءسوز تالاستان كەيىن ماسك بەسسەنتتى يىعىمەن سوعىپ وتكەن، ال بەسسەنت وعان جۇدىرىقپەن جاۋاپ قايتارعان. ولاردى ۇلتتىق قاۋىپسىزدىك كەڭەسشىسىنىڭ كەڭسەسى جانىندا تۇرعان اكىمشىلىك قىزمەتكەرلەرى اجىراتقان. كەيىن بۇل جاعداي ترامپقا جەتكىزىلگەن، ول: «بۇل تىم ارتىق كەتتى» دەپ مالىمدەگەن.
ماسك بىرنەشە اي بويى ترامپتى ءوزىن قارجى ءمينيسترى ەتىپ تاعايىنداۋعا ۇگىتتەپ كەلگەن، بىراق ول ورىن بەسسەنتكە بۇيىرعان.
كەيىن ماسك ترامپتىڭ سالىقتىق جوسپارىن «جيرەنىشتى» دەپ اتاپ، ترامپتىڭ سايلاۋدا جەڭىسكە جەتۋىنە ءوزى كومەكتەسكەنىن ەسكە سالعان. بۇعان جاۋاپ رەتىندە ترامپ ماسك كومپانيالارىنا بەرىلەتىن سۋبسيديالاردى قىسقارتۋدى ۇسىنعان.
وسىدان كەيىن ماسك X (بۇرىنعى Twitter) جەلىسىندە ترامپتىڭ ەپشتەين ىسىنە قاتىسى بار دەپ جازعان، بىراق جازباسىن كوپ ۇزاماي وشىرگەن. ال ترامپ بۇل ءۇشىن: «ماسك ەسىنەن اداستى» دەپ جاۋاپ بەرگەن.
