اقوردادا مەملەكەت باسشىسى قاسىم-جومارت توقاەۆتىڭ توراعالىعىمەن ۇلتتىق ەكونوميكانى دامىتۋ جانە بيۋدجەتتىك جوسپارلاۋ ماسەلەلەرى جونىندە كەڭەس ءوتتى. بۇل تۋرالى اقوردا جازدى، دەپ حابارلايدى "ادىرنا".
جيىنعا پرەمەر-مينيستر ولجاس بەكتەنوۆ، پرەزيدەنت اكىمشىلىگىنىڭ باسشىسى رومان سكليار، ۇلتتىق بانك توراعاسى تيمۋر سۇلەيمەنوۆ، جوعارى اۋديتورلىق پالاتا توراعاسى ءاليحان سمايىلوۆ، پرەمەر-ءمينيستردىڭ ورىنباسارى – ۇلتتىق ەكونوميكا ءمينيسترى سەرىك جۇمانعارين، پرەزيدەنتتىڭ ەكونوميكالىق ماسەلەلەر جونىندەگى كومەكشىسى نۇرلان بايبازاروۆ جانە قارجى ءمينيسترى ءمادي تاكيەۆ قاتىستى.
پرەزيدەنتكە ەكونوميكانىڭ قازىرگى جاعدايى، 2027–2029 جىلدارعا ارنالعان الەۋمەتتىك-ەكونوميكالىق دامۋ بولجامى، سونداي-اق 2027–2029 جىلدارعا ارنالعان رەسپۋبليكالىق بيۋدجەتتىڭ نەگىزگى پارامەترلەرى تۋرالى باياندامالار ۇسىنىلدى.
تالقىلاۋ بارىسىندا قاسىم-جومارت توقاەۆ اعىمداعى جىلدىڭ قورىتىندىسى بويىنشا ەكونوميكالىق ءوسىم كورسەتكىشتەرىنە قول جەتكىزۋ جانە رەسپۋبليكالىق ءارى جەرگىلىكتى بيۋدجەتتەردىڭ تەڭگەرىمدىلىگىن قامتاماسىز ەتۋ قاجەتتىگىن اتاپ ءوتتى.
توقاەۆ 2027–2029 جىلدارعا ارنالعان بيۋدجەتتىڭ نەگىزگى باسىمدىقتارىنىڭ ءبىرى رەتىندە ينفراقۇرىلىمدىق جانە الەۋمەتتىك نىسانداردىڭ قۇرىلىسىن جەدەلدەتۋدى بەلگىلەدى. ولاردىڭ قاتارىندا اۋرۋحانالار، بالالاردى وڭالتۋ ورتالىقتارى، مادەنيەت جانە سپورت نىساندارى بار.
