بۇگىن رەسپۋبليكالىق كوگالداندىرۋعا باعىتتالعان سەنبىلىككە جامبىلدىقتار دا بەلسەنە اتسالىستى.
شاراعا وبلىس باسشىسى اسقار مىرزاحمەتوۆ باستاعان بارلىق ورىنباسارلارى، اۋدان اكىمدەرى، باسقارما باسشىلارى، ارداگارلەر كەڭەسى جانە وزگە دە ۇيىمدار مەن قوعامدىق بىرلەستىكتەردىڭ توراعالارى مەن وكىلدەرى قاتىستى.
وبلىس بويىنشا بارلىعى 18466 ادام 18880 كوشەت وتىرعىزدى. ونىڭ ىشىندە، قاراعاي، شىرشا، قاراعاش، ارشا، تەرەك، ەمەن، شەتەن، ايلانت سەكىلدى اعاش تۇرلەرى بار. سەنبىلىك وڭىردەگى 98 ەلدىمەكەندى قامتىدى.
ايتا كەتەيىك، ايماق باسشىسى اسقار مىرزاحمەتوۆ تال ەگۋ اكتسياسىنا وبلىستىڭ شالعاي اۋدانى-مويىنقۇمنان قاتىستى. وندا مويىنقۇمدىق جاستار مەن
قىزمەتكەرلەرمەن بىرگە «جاز اتا»، «جاسىل ەل» ساياباقتارىنا تال ەگىپ، شاراعا قارقىندى ۇلەس قوستى. اتالعان اكتسيا اياسىندا وبلىس اكىمى اسقار
مىرزاحمەتوۆ جانە مويىنقۇم اۋدانى اكىمى مادەن مۇساەۆ تۋيا، ەمەن، تەرەك
اعاشتارىن وتىرعىزىپ، يگى ءىستىڭ ماڭىزدىلىعىن تۋرالى توقتالىپ ءوتتى.
بۇگىنگى ەكولوگيالىق شاراعا قازاقستان پرەزيدەنتى قاسىم-جومارت توقاەۆتىڭ قاتىسىپ، اعاش ەكتى.
بۇكىلالەمدىك جاسىل جەلەك وتىرعىزۋ كۇنىنە ورايلاستىرىلعان شارا ەلىمىزدىڭ بارلىق وڭىرىندە قولداۋ تاپتى. قر ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ اتاپ وتكەندەي، 12 قازان كۇنگى كامپانيا بارىسىندا جانە جالپى كۇز ايىنىڭ سوڭىنا دەيىن رەسپۋبليكادا 1 ميلليونعا جۋىق اعاش وتىرعىزىلادى.
"ادىرنا"
ۇلتتىق پورتالى
