شىمكەنتتە جاستار اراسىنداعى «زاڭ مەن تارتىپكە قوسقان مەنىڭ ۇلەسىم!» اتتى سىبايلاس جەمقورلىققا قارسى كۇرەس بايقاۋى ءوتتى. اربات دەمالىس ايماعىندا وتكەن ءىس-شاراعا 10-21 جاس ارالىعىنداعى 150 قاتىسۋشى قاتىستى. بايقاۋقاۋعا قاتىسۋشىلار اراسىندا مۇمكىندىگى شەكتەۋلى جاندار دا بولدى.
ءىس شارا شىمكەنت قالاسى اكىمدىگىمەن جانە قر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىمەن ۇيىمداستىرىلدى. بايقاۋعا قاتىسۋشى جاستاردىڭ سانىنا شەكتەۋ قويىلماعان جانە 3 توپتىق جاس ەرەكشەلىگىمەن ءوتتى.
- جۇلدەلى ورىنداردى انىقتاۋ بارىسىندا قازىلار القاسى ۇمىتكەرلەردىڭ شىعارماسىنىڭ تاقىرىپتارىنىڭ اشىلۋىنا، تۇستەر ۇيلەسىمىنە، كومپوزيتسياسىنا باسا نازار اۋداردى. ءىس شارانىڭ ماقساتى - سىبايلاس جەمقورلىققا قارسى مادەنيەتتى قالىپتاستىرۋعا جانە جاستاردىڭ بويىندا ادالدىقتى ناسيحاتتاۋ. ونەرلى ۇرپاقتىڭ تالانتىن ءتيىمدى پايدالانىپ، ءبىلىم جۇيەسىندە سىبايلاس جەمقورلىققا قارسى ءىس-قيمىلعا باعىتتالعان شارالاردىڭ نىعايتىلۋىنا ىقپال ەتۋ، - دەيدى قر سىبايلاس جەمقورلىققا قارسى ءىس-قيمىل اگەنتتىگىنىڭ شىمكەنت قالاسى بويىنشا دەپارتامەنتىنىڭ پرەۆەنتسيا باسقارماسىنىڭ باسشىسى جاندوس بەكاسانوۆ.
سىبايلاس جەمقورلىققا قارسىلىعىن قىلقالام مەن كەنەپتىڭ كومەگىمەن بىلدىرگىسى كەلگەن جاستاردىڭ قيالىنا شەكتەۋ بولمادى. قاتىسۋشىنىڭ ارقايسىسى بار ونەرىن ورتاعا سالدى. كەيبىرىنىڭ سالعان تۋىندىسى كاسىبي سۋرەتشىنىڭ شىعارماسىنان كەم تۇسپەيدى.
قىلقالاممەن سۋرەت سالۋ ءۇشىن مولبەرت پەن قاعاز، اكۆارەل گۋاش بوياۋ ۇيىمداستىرۋشىلار تاراپىنان ۇسىنىلدى. بايقاۋدىڭ جەڭىمپازدارىنا قارجىلاي سىيلىقتار بەلرىلىپ، ديپلوممەن ماراپاتتالدى.
