بۇگىن، 30 مامىردا كەشكى ساعات 18:45 شاماسىندا اتىراۋ وبلىسى قۇلسارى قالاسىنداعى «نيەت» جانارماي قۇيۋ بەكەتىندە جارىلىس بولدى. بۇل تۋرالى توتەنشە جاعدايلار مينيسترلىگى مالىمدەدى، دەپ حابارلايدى “ادىرنا”.
مالىمەت بويىنشا، جانارماي قۇيۋ بەكەتىندە گاز-اۋا قوسپاسىنىڭ جارىلىسى بولعان.
جارىلىستان سوڭ قىزىل جالىن جاقىن ماڭدا ورنالاسقان بىرقاباتتى ءۇش قۇرىلىس نىسانىنا، گاز قۇيۋ ستانتسياسىنا جانە ستانتسيانىڭ ارتقى تۇسىندا ورنالاسقان ەكى قاباتتى عيماراتقا تارالعان.
«وقيعا ورنىنا شۇعىل تۇردە تجد جانە ورتكە قارسى قىزمەتتىڭ 60 قىزمەتكەرى مەن 10 تەحنيكا بىرلىگى جۇمىلدىرىلدى. ءورتتى ءسوندىرۋ جانە گاز تاسىمالداعىشتى سالقىنداتۋ جۇمىستارى جالعاسىپ جاتىر. سونىمەن قاتار ءورت وشاقتارىن وقشاۋلاۋ جانە ادامداردى قاۋىپتى اۋماقتان ەۆاكۋاتسيالاۋ جۇمىستارى جۇرگىزىلىپ جاتىر»، – دەپ مالىمدەدى ۆەدومستۆو.
الدىن الا مالىمەت بويىنشا، 14 ادام زارداپ شەككەن، ولاردىڭ ەكەۋى كوز جۇمعان.
ۇقساس جاڭالىقتار
