"ۇلتتىق الاۋىزدىقتى قوزدىردى" دەگەن ايىپپەن سوتتالعان بلوگەر-بەلسەندى مارعۇلان بورانباي بوساپ شىقتى. بۇل تۋرالى دەپۋتات ەرمۇرات ءباپي Facebook پاراقشاسىندا جازدى، دەپ حابارلايدى “ادىرنا”.
“ەلدىڭ ەگەمەندىگىنە، حازاقتىڭ نامىسىنا اراشا تۇسەم دەپ، سوتتى بولعان مارعۇلان باۋىر بورانباي ءتورت جىلدان سوڭ تۇرمەدەن شىعىپ، اعاسىنا امانداسۋعا كەلىپتى. وتكەن كۇزدە سەرىكجان ەكەۋىمىز كولونياعا، مارعۇلان مارقاسقاعا بارعانىمىزدا: "ۋدو"-عا شىعۋعا كومەكتەسەيىك..." دەپ ەدىك.
"ەشكىمنەن كەشىرىم سۇرايتىنداي كىنام جوق، وتسيجۋ وت زۆونكا دو زۆونكا" دەگەن-ءدى سوندا قازاقتىڭ نامىسىن شوۆەنيست-ۆاتنيكتەردەن قورعايمىن دەپ، ناقاق جالامەن اباقتىعا قامالعان مىنەزدى مارعۇلان.
"قازاقتىڭ ناعىز ۇلتشىل پاتريوتى كىم؟" دەپ، الدەكىم سۇراي قالسا، ويلانباستان وسى وعىلاندى اتاڭىزدار! ەشقاشان قاتەلەسپەيسىز، مارعۇلان ءسىزدى قاتەلەستىرمەيدى! كامىل سەنەم! امان بول، التىن باۋىرىم”، دەپ جازدى دەپۋتات.
