تالعاردا يزولياتوردان زورلاۋ بابى بويىنشا كۇدىككە ىلىنگەن ازامات قاشىپ كەتكەن. بۇل تۋرالى پوليتسيا دەپارتامەنتى مالىمدەدى، دەپ حابارلايدى «ادىرنا” ۇلتتىق پورتالى.
الماتى وبلىسىنىڭ پوليتسيا دەپارتامەنتى مالىمدەگەندەي، تالعارداعى ۋاقىتشا ۇستاۋ يزولياتورىنان زورلاۋ كۇدىگى بويىنشا ۇستالعان ازامات ك. قاشىپ كەتكەن.
"ۋاقىتشا ۇستاۋ يزولياتورىنان زورلاۋ جاسادى دەگەن كۇدىكپەن ۇستالعان ازامات قاشىپ كەتتى. وسىعان بايلانىستى "سيرەنا" جوسپارى ەنگىزىلدى. نەگىزگى مارشرۋتتاردا بلوك-بەكەتتەر قويىلدى، جانە بارلىق كۇش پەن قۇرالدار قاشىپ كەتكەن ادامدى ىزدەۋگە جانە ۇستاۋعا باعىتتالدى", – دەپ حابارلادى پوليتسيا.
قاشۋ جاعدايىن انىقتاۋ ءۇشىن قىزمەتتىك تەكسەرۋ تاعايىندالعان.
