پەتروپاۆلدا بەنزين قۇيىپ جاتقان ەر ادام ورتەنىپ كەتتى. ول شۇعىل تۇردە قالالىق كوپسالالى جەدەل جاردەم اۋرۋحاناسىنىڭ جانساقتاۋ بولىمىنە جەتكىزىلدى. بۇل تۋرالى پەتروپاۆلوۆسك.news سايتى جازدى، دەپ حابارلايدى “ادىرنا”.
اقپاراتقا سايكەس، 30 جاستاعى ەر ادامنىڭ دەنەسىنىڭ 90 پايىزىن كۇيىك شالعان.
سولتۇستىك قازاقستان وبلىسى دەنساۋلىق ساقتاۋ باسقارماسىنىڭ حابارلاۋىنشا، ول كانيستردەن دانەكەرلەيتىن لامپاعا بەنزين قۇيۋ كەزىندە جاراقات العان.
"ايەلىنىڭ ايتۋىنشا، وقيعا كەزىندە ەر ادامنىڭ قولىندا تۇتاتىلعان تەمەكى بولعان. جارىلىس بولىپ، كيىمدەرى ورتەنىپ كەتكەن. زارداپ شەگۋشى بىردەن جانساقتاۋ بولىمىنە جەتكىزىلدى", - دەپ حابارلادى وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.
الدىن الا مالىمەت بويىنشا ناۋقاس 2–3ا-ۆ دارەجەلى كۇيىك العان. باسى، دەنەسى، اياق-قولى، تىنىس الۋ جولدارى زاقىمدانعان. ءىى-سونداي-اق ءىىى دارەجەلى كۇيىك شوگىن العان دەگەن دياگنوز قويىلدى.
ەر ادام جاساندى تىنىس الدىرۋ اپپاراتىنا قوسىلدى. دارىگەرلەر ونىڭ جاعدايىن وتە اۋىر جانە تۇراقسىز دەپ باعالاپ وتىر. دارىگەرلەر بارلىق قاجەتتى كومەكتى كورسەتىپ جاتىر.
