قىتايدىڭ حۋنان پروۆينتسياسىنداعى ليۋيان وزەنى ماڭىندا دروندار مەن وتشاشۋلار شوۋى ءوتىپ، ارتى ورتكە ۇلاستى، دەپ حابارلايدى "ادىرنا".
اسپانعا شامامەن مىڭعا جۋىق درون كوتەرىلىپ، اسەم كورىنىس جاسادى.
الايدا وتشاشۋدان شىققان ۇشقىندار قۇرعاق شوپكە ءتۇسىپ، ءورتتىڭ شىعۋىنا سەبەپ بولدى.
ءورت سوندىرۋشىلەر الدىن الا دايىن بولعاندىقتان، جالىن جىلدام اۋىزدىقتالدى.
ابىروي بولعاندا، ەشكىم زارداپ شەككەن جوق.
قىتايلىق باق-تىڭ حابارلاۋىنشا، وقيعا ليۋيان قالاسىنداعى "اسپان تەاترى" الاڭىندا بولعان.
تۋريستىك كەشەن اكىمشىلىگى بۇل وقيعانى كەلەسى كۇنى راستادى جانە ءورتتىڭ شاعىن بولعانىن، تەك ۇستىڭگى قاباتتاعى وسىمدىكتەردى شارپىعانىن جانە قىسقا ۋاقىت ىشىندە سوندىرىلگەنىن مالىمدەدى.
"شوۋ كەزىندە فەيەرۆەركتەر تريبۋناعا ءتۇسىپ، ءورت شىقتى. مەن بۇل شوۋدى كورۋ ءۇشىن 1500 شاقىرىمنان استام جول ءجۇرىپ كەلدىم، ال سونىڭ ورنىنا ءورتتىڭ كۋاسى بولدىم. ۇشقىننان شىققان جالىن بىرنەشە سەكۋندتا ۇلكەن ورتكە اينالدى", دەپ جازعان كورەرمەننىڭ ءبىرى الەۋمەتتىك جەلىگە.
