ەلىمىزدەن بۇقالاردى ەكسپورتتاۋعا ۋاقىتشا تىيىم سالىندى. بۇل تۋرالى اۋىل شارۋاشىلىعى مينيسترلىگى مالىمدەدى، دەپ حابارلايدى “ادىرنا”.
2025 جىلعى 25 ساۋىردە سىرتقى ساۋدا قىزمەتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيا ەلىمىزدىڭ اۋماعىنان ءىرى قارا مالدىڭ بۇقالارىن ءۇش اي مەرزىمگە ۋاقىتشا ەكسپورتتاۋعا تىيىم سالۋ تۋرالى شەشىم قابىلدادى.
“قازاقستان رەسپۋبليكاسى اۋىل شارۋاشىلىعى مينيسترلىگىنىڭ 2025 جىلعى 14 مامىرداعى №158 جانە قازاقستان رەسپۋبليكاسى قارجى مينيسترلىگىنىڭ 2025 جىلعى 14 مامىرداعى №227 بىرلەسكەن بۇيرىعىنىڭ بۇقالاردى ەكسپورتتاۋعا تىيىم سالۋ بولىگى 2025 جىلعى 15 مامىردان باستاپ كۇشىنە ەندى”، دەلىنگەن حابارلامادا.
بۇل شارا ەلىمىزدەگى ازىق-تۇلىك تۇراقتىلىعىن قامتاماسىز ەتۋ جانە وڭدەۋشى كاسىپورىنداردىڭ جۇمىسىن جانداندىرۋ ءۇشىن قولعا الىندى.
