تۇركىستان وبلىسى ارىس قالاسىنىڭ 11-سىنىپ وقۋشىسى ايسۇلتان التىنبەك الەمنىڭ 86 جوعارى وقۋ ورنىنان شاقىرتۋ الدى، دەپ حابارلايدى "ادىرنا" ۇلتتىق پورتالى.
وقۋشىنى اقش، گەرمانيا، ۇلىبريتانيا، مالايزيا جانە يسپانيا ەلدەرىنىڭ بەدەلدى ۋنيۆەرسيتەتتەرى ستۋدەنتى رەتىندە كورگىسى كەلەدى.
ايسۇلتان شەتەلدە ءبىلىم الۋدى كوپتەن ارمانداعان. سول ماقساتتا بار بوس ۋاقىتىن وقۋ مەن ءوزىن-ءوزى دامىتۋعا ارناپ، مول تابىسقا قول جەتكىزگەن. ونىڭ ايتۋىنشا، ەڭ كوپ ۇسىنىس اقش ۋنيۆەرسيتەتتەرىنەن كەلىپ تۇسكەن. قازىر ول ۇسىنىستاردى مۇقيات سارالاپ، شەشىم قابىلداۋعا دايىندالىپ جاتىر. يتاليا مەن مالايزيا ۋنيۆەرسيتەتتەرى دە نەگىزگى ۇمىتكەرلەر قاتارىندا.
ايسۇلتانعا بەرىلگەن ءبىلىم گرانتتارى تەك وقۋ اقىسىن عانا ەمەس، سونىمەن قاتار تۇرۋ، تاماقتانۋ جانە ەلەكتروندى قۇرىلعىلاردى پايدالانۋعا كەتەتىن شىعىنداردى دا قامتيدى.
ءۇش ءتىلدى — اعىلشىن، تۇرىك جانە نەمىس ءتىلىن ەركىن مەڭگەرگەن ايسۇلتان بولاشاقتا IT سالاسىندا جۇمىس ىستەۋدى كوزدەيدى. ونىڭ ارمانى — كومپيۋتەرلىك ويىندار ازىرلەۋ جانە قازاقستاندىق جاستارعا شەتەلدىك ۋنيۆەرسيتەتتەرگە ءتۇسۋ مۇمكىندىكتەرىن باعالاۋعا كومەكتەسەتىن ارنايى سايت جاساۋ.
«بۇل سايت ارقىلى وقۋشىلار دايىندىق دەڭگەيىن تەكسەرىپ، ناقتى تالاپتارعا قانشالىقتى ساي كەلەتىنىن بىلە الادى. كوپتەگەن ۋنيۆەرسيتەتتەر ىرىكتەۋ سىناقتارى ءۇشىن اقى الادى. مەنىڭ جوبام جاستاردى ارتىق شىعىننان قۇتقارۋعا كومەكتەسەدى»، – دەيدى ايسۋلتان.ايسۇلتان وقيتىن مەكتەپتىڭ تاعى توعىز وقۋشىسى دا شەتەلدىك وقۋ ورىندارىنان شاقىرتۋ العان. مەكتەپ باسشىلىعى بۇل جەتىستىكتەردى وقۋشىلاردىڭ تالپىنىسى مەن قوسىمشا ءبىلىم بەرۋ ۇيىرمەلەرىنىڭ ناتيجەسى دەپ باعالايدى.
«ءبىز ءار وقۋشىعا جەكە جوسپار قۇرىپ، سىنىپ جەتەكشىلەرىمەن بىرلەسە جۇمىس ىستەيمىز. ساباقتان كەيىن وتكىزىلەتىن قوسىمشا ساباقتار وقۋشىلاردىڭ دۇنيەتانىمىن كەڭەيتۋگە كومەكتەسەدى»، – دەيدى مەكتەپ ديرەكتورىنىڭ ورىنباسارى ەسجان ومارحانوۆ.
ۇقساس جاڭالىقتار
