ۋكراينا پرەزيدەنتى ۆلاديمير زەلەنسكي رەسەي پرەزيدەنتى ۆلاديمير ءپۋتيننىڭ ەكى ەل اراسىنداعى قاقتىعىستى رەتتەۋ ءۇشىن كەلىسسوزدەر وتكىزۋ تۋرالى ۇسىنىسىنا جاۋاپ بەردى، دەپ حابارلايدى "ادىرنا" ۇلتتىق پورتالى.
زەلەنسكي بۇل جونىندە ءوزىنىڭ بارلىق رەسمي الەۋمەتتىك جەلىلەرىندە جازبا جاريالادى. ۋكراينا كوشباسشىسى كەلىسسوزدەر مۇمكىندىگى تۋرالى جاڭالىقتى «جاقسى جاڭالىق» دەپ اتاپ، الداعى وقيعالاردان ءۇمىت كۇتەتىنىن جەتكىزدى.
ونىڭ ايتۋىنشا، بۇكىل الەم بۇل ءساتتى ۇزاق كۇتكەن. كەز كەلگەن سوعىستى شىن مانىندە توقتاتۋدىڭ ەڭ العاشقى قادامى — اتىستى توقتاتۋ.
«رەسەي ەرتەڭ، 12 مامىردان باستاپ اتىستى تولىق، ۇزاق مەرزىمدى جانە سەنىمدى تۇردە توقتاتاتىنىن راستايدى دەپ كۇتەمىز. ۋكراينا كەزدەسۋگە دايىن»، – دەپ جازدى ۋكراينا پرەزيدەنتى.
بۇعان دەيىن ۆلاديمير پۋتين ۋكرايناعا 15 مامىر كۇنى ستامبۇلدا «الدىن الا شارتتارسىز» كەلىسسوزدەردى قايتا باستاۋدى ۇسىنعان بولاتىن.
