10 مامىردا قوستاناي ستانتسياسىندا مانەۆرلىك جۇمىستار جۇرگىزۋ كەزىندە تەپلوۆوز بەن جەڭىل اۆتوكولىك سوقتىعىستى، دەپ حابارلايدى "ادىرنا" ۇلتتىق پورتالى.
بۇل تۋرالى «قازاقستان تەمىر جولى» ۇلتتىق كومپانياسىنىڭ ءباسپاسوز قىزمەتى حابارلادى.
وقيعا سالدارىنان زارداپ شەككەندەر جوق. الدىن الا مالىمەت بويىنشا، جول-كولىك وقيعاسىنا جەڭىل كولىك جۇرگىزۋشىسىنىڭ تەمىر جولدان ءوتۋ ەرەجەلەرىن بۇزۋى سەبەپ بولعان.
قازىرگى ۋاقىتتا وقيعانىڭ ناقتى ءمان-جايىن انىقتاۋ ماقساتىندا قىزمەتتىك تەكسەرىس جۇرگىزىلىپ جاتىر.
«قازاقستان تەمىر جولى» كومپانياسى تەمىر جول وتكەلدەرىندە جول قوزعالىسى ەرەجەلەرىن قاتاڭ ساقتاۋعا شاقىرادى.
ايتا كەتەيىك، بۇعان دەيىن جامبىل وبلىسىندا پويىزدىڭ رەلستەن شىعىپ كەتكەنى حابارلانعان بولاتىن.
ۇقساس جاڭالىقتار
