پرەزيدەنت قاسىم-جومارت كەمەلۇلى مەگاپوليس تۇرعىندارىمەن كەزدەسۋىندە : «الماتى – بارلىق ازاماتقا بىردەي قولجەتىمدى ءارى قولايلى قالا بولۋى قاجەت» دەدى. بۇل تۋرالى «ادىرنا «ءتىلشىسى حابارلادى.
ەرەكشە كۇتىمدى قاجەت ەتەتىن جاندارعا جان-جاقتى قولداۋ كورسەتۋ اسا ماڭىزدى. ولارعا مەيلىنشە ىڭعايلى قوعامدىق ورتا قالىپتاستىرۋ قوعام الدىنداعى ابىرولى مىندەت. پرەزيدەنتتىڭ پكىرىدە وسىعان سايادى.
«قازاقستاندا ەشكىمنىڭ قۇقىعى شەكتەلمەۋى كەرەك. قازىر الماتىدا 55 مىڭداي مۇمكىندىگى شەكتەۋلى ادام تۇرادى. ونىڭ 13 مىڭى ەركىن ءجۇرىپ-تۇرا المايدى. ولارعا كەدەرگىسىز ورتا قالىپتاستىرۋ قاجەت. بۇل جۇمىس مۇمكىندىگى شەكتەۋلى جاندار عانا ەمەس، قارت كىسىلەر جانە بالالار ءۇشىن دە وتە ماڭىزدى. سوندىقتان، اكىمدىك قالاداعى الەۋمەتتىك نىسانداردىڭ ءبارىن وسىنداي جانداردىڭ قاجەتتىلىگىنە بەيىمدەۋى كەرەك. حالىققا قىزمەت كورسەتۋ ورتالىقتارىن، اۋرۋحانالار مەن ەمحانالاردى، ءبىلىم بەرۋ جانە سپورت مەكەمەلەرىن وسى تالاپقا ساي كەلتىرۋ قاجەت»، - دەدى كەزدەسۋدە مەملەكەت باسشىسى.
