الماتىدا الداعى رەفەرەندۋمدى قولداۋعا ارنالعان اۋقىمدى ءىس-شارا ءوتتى. ءىس-شاراعا 10 مىڭنان استام الماتىلىق قاتىستى.
الاڭدا ەرەكشە اتموسفەرا قالىپتاستى — كورەرمەندەر الدىندا تانىمال قازاقستاندىق ونەرپازدار مەن شىعارماشىلىق ۇجىمدار ونەر كورسەتىپ، جارقىن كونتسەرتتىك باعدارلاما ۇسىندى.
جاستار ۇيىمدارى مەن ستۋدەنتتىك بىرلەستىكتەردىڭ وكىلدەرى ەلدىڭ قوعامدىق-ساياسي ومىرىنە ازاماتتاردىڭ بەلسەندى قاتىسۋىنىڭ ماڭىزىن اتاپ ءوتىپ، الداعى رەفەرەندۋمنىڭ قازاقستان بولاشاعى ءۇشىن ءمانى زور ەكەنىن ايتتى.
ۇيىمداستىرۋشىلاردىڭ ايتۋىنشا، جاستاردىڭ بەلسەندى قاتىسۋى ولاردىڭ ەل دامۋىنا قىزىعۋشىلىق تانىتىپ، ماڭىزدى مەملەكەتتىك شەشىمدەردى قابىلداۋعا اتسالىسۋعا دايىن ەكەنىن كورسەتتى.
ايتا كەتۋ كەرەك، ءىس-شارا «Almaty Arena» سپورت كەشەنىندە وتكەن XXV قىسقى وليمپيادا ويىندارىنىڭ جۇلدەگەرى مەن قاتىسۋشىلارىن سالتاناتتى ماراپاتتاۋ راسىمىنەن كەيىن ۇيىمداستىرىلدى.
ءىس-شارا ەل ومىرىنە بەلسەندى قاتىسۋ يدەياسىن قولداعان جاستاردى بىرىكتىرىپ، بىرلىك پەن قولداۋ اتموسفەراسىندا ءوتتى.
