بۇگىن، 9 مامىر – جەڭىس كۇنىنە وراي تاراز قالاسىنداعى باۋىرجان مومىشۇلى اتىنداعى «جەڭىس» ساياباعىندا ورنالاسقان باتىردىڭ ەسكەرتكىشىنە گۇل شوقتارىن قويۋ ءراسىمى ءوتتى.
تاربيەلىك تاعىلىمى مول جيىنعا ايماق باسشىسى ەربول قاراشوكەەۆ، وبلىستىق ءماسليحات حاتشىسى، قالا اكىمى، قۇقىق قورعاۋ ورگاندارى مەن ەتنومادەني ورتالىقتاردىڭ وكىلدەرى جانە ارداگەرلەر كەڭەسىنىڭ مۇشەلەرى قاتىستى.
سونىمەن بىرگە سالتاناتتى شاراعا تىل ەڭبەككەرلەرى مەن ۇلى وتان سوعىندا وپات بولعان باتىرلاردىڭ ۇرپاقتارى جينالدى.
گۇل قويۋ راسىمىندە كوپشىلىك قيان-كەسكى ۇرىس دالاسىندا جەڭىس ءۇشىن جانىن قيعان بوزداقتاردى ءبىر مينۋت ۇنسىزدىكپەن ەسكە الدى.
ايتا كەتەيىك، قازىرگى تاڭدا جامبىل وبلىسىندا نەبارى 5 ۇوس ارداگەرى قالدى. اتاپ ايتقاندا، ولاردىڭ قاتارىندا ءمۇتالىپ ەرەجەپباەۆ، گەنادي يۆانوۆ، يۆان ماكەەۆ، گريگوري نەششەرەتنەۆ جانە شالدانباي شاڭباەۆ بار.
