اۋىل سپورتىنا دەم بەرىپ وتىرعان جانگەلدين: وڭىرلىك دامۋدىڭ ۇلگىسى

جانگەلدين اۋدانى — بۇقارالىق سپورتتى جۇيەلى تۇردە دامىتىپ، سالاۋاتتى ءومىر سالتىن دارىپتەۋدە الدىڭعى قاتاردا كەلە جاتقان ءوڭىر. اۋدان اكىمدىگى بۇل باعىتتى ستراتەگيالىق باسىمدىقتاردىڭ ءبىرى رەتىندە قاراستىرىپ، اۋىل جاستارى ءۇشىن ناقتى ءارى ناتيجەلى ىستەر اتقارىپ كەلەدى. بۇگىندە اۋدان بويىنشا جالپى 57 سپورتتىق نىسان تۇرعىنداردىڭ پايدالانۋىنا بەرىلگەن. بۇل كورسەتكىشكە اۋىلدار مەن اۋىلدىق وكرۋگتەر دە كىرەدى. اتاپ ايتقاندا: -1 ستاديون، -2 سپورت كەشەنى، - 20 سپورت زالى (ونىڭ ىشىندە مەكتەپتەردە – 16, سپورت مەكتەبىندە – 2, كەشەندەردە – 2), -33 جازىقتىق سپورت الاڭى، ونىڭ ىشىندە 21 — كلاسسيكالىق سپورت الاڭى، 12 — جاساندى جابىندىسى بار شاعىن فۋتبول الاڭى، - 1 اشىق حوككەي كورتى بار. سپورتپەن اينالىسۋشىلاردىڭ جالپى سانى — 4424 ادام، ال سپورت ۇيىرمەلەرىنىڭ سانى — 202. بۇل — اۋىل جاستارىنىڭ بەلسەندىلىگىن، ينفراقۇرىلىمنىڭ قولجەتىمدىلىگىن ايقىندايتىن ناقتى كورسەتكىش. تەك جاتتىعۋ ەمەس، ناتيجە دە بار جانگەلدين اۋدانىنىڭ جاستارى وبلىستىق جانە رەسپۋبليكالىق جارىستاردا جوعارى ناتيجە كورسەتىپ كەلەدى. قازاق كۇرەسى مەن دزيۋدودان ءوڭىر نامىسىن ابىرويمەن قورعاپ جۇرگەن سپورتشىلار قاتارىندا قازىمبەك اقجول، ايبەك جايلاۋ، جۇماقانوۆ سانجار، ۇمىتقالي باعدات، ساعيتبەك اسىلان سىندى تالانتتار بار. 2024 جىلدىڭ قاڭتار–شىلدە ايلارىندا وتكەن قوستاناي وبلىسى چەمپيوناتىندا ۆولەيبولدان جانگەلدين اۋدانىنىڭ ەرلەر قۇراماسى 3-ورىنعا يە بولدى. بۇل — اۋداندىق دەڭگەيدە ەمەس، وڭىرلىك ارەنادا دا جانگەلديندىك سپورتشىلاردىڭ ءباسى بيىك ەكەنىن كورسەتەدى. جاڭا بۋىننان ۇلكەن ءۇمىت بالالار مەن جاسوسپىرىمدەر سپورت مەكتەبىنىڭ تاربيەلەنۋشىلەرى دە ۇزدىك ناتيجەلەرىمەن كوزگە ءتۇسىپ ءجۇر. دزيۋدو مەن قازاق كۇرەسىنەن ەرحان تولەۋحان، ەرلىك رايسوۆ، ءابدىنۇر قوسىلبەك، ەلدوس تولەۋحان، نۇراسىل نۇراش جانە ەرالى بىرجىكەنوۆ — ءتۇرلى جارىستاردىڭ جۇلدەگەرلەرى. توعىزقۇمالاقتان باقىت نارگيز، ايتماعانبەتوۆا ايلانا، باقىت جانايىم سىندى وقۋشىلاردىڭ ەسىمى دە جارىستاردا ءجيى اتالىپ ءجۇر. بوكستا — سەرىك احمەتجان، قايىر سۇلتان، اياجان قاپساماتوۆا جانە تاعى باسقالارى اۋداننىڭ نامىسىن قورعاپ كەلەدى. اۋىل سپورتى — ۇلتتىق رۋحتىڭ تىرەگى جانگەلدين اۋدانى — اۋىل سپورتىنىڭ تىرشىلىگىن ساقتاپ قانا قويماي، ونى جۇيەلى دامىتۋ ارقىلى وزگە وڭىرلەرگە دە ۇلگى بولا العان ءوڭىر. بۇل جەردە سپورت — تەك فيزيكالىق شىنىعۋ قۇرالى ەمەس، رۋحتى كوتەرەتىن، بىرلىكتى ارتتىراتىن، بولاشاققا سەنىم بەرەتىن قۇندىلىق رەتىندە قاراستىرىلادى. اۋىل سپورتى وركەندەسە — ۇلتتىڭ ىرگەسى بەكيدى. جانگەلدين اۋدانى وسى جولدا ناقتى ىسپەن جاۋاپ بەرىپ وتىر.