Jangeldin audany — būqaralyq sportty jüielı türde damytyp, salauatty ömır saltyn därıpteude aldyŋǧy qatarda kele jatqan öŋır. Audan äkımdıgı būl baǧytty strategiialyq basymdyqtardyŋ bırı retınde qarastyryp, auyl jastary üşın naqty ärı nätijelı ıster atqaryp keledı.
Bügınde audan boiynşa jalpy 57 sporttyq nysan tūrǧyndardyŋ paidalanuyna berılgen. Būl körsetkışke auyldar men auyldyq okrugter de kıredı. Atap aitqanda:
-1 stadion,
-2 sport keşenı,
- 20 sport zaly (onyŋ ışınde mektepterde – 16, sport mektebınde – 2, keşenderde – 2),
-33 jazyqtyq sport alaŋy, onyŋ ışınde 21 — klassikalyq sport alaŋy, 12 — jasandy jabyndysy bar şaǧyn futbol alaŋy,
- 1 aşyq hokkei korty bar.
Sportpen ainalysuşylardyŋ jalpy sany — 4424 adam, al sport üiırmelerınıŋ sany — 202. Būl — auyl jastarynyŋ belsendılıgın, infraqūrylymnyŋ qoljetımdılıgın aiqyndaityn naqty körsetkış.
Tek jattyǧu emes, nätije de bar
Jangeldin audanynyŋ jastary oblystyq jäne respublikalyq jarystarda joǧary nätije körsetıp keledı. Qazaq küresı men dziudodan öŋır namysyn abyroimen qorǧap jürgen sportşylar qatarynda Qazymbek Aqjol, Aibek Jailau, Jūmaqanov Sanjar, Ümıtqali Baǧdat, Saǧitbek Asylan syndy talanttar bar.
2024 jyldyŋ qaŋtar–şılde ailarynda ötken Qostanai oblysy chempionatynda voleiboldan Jangeldin audanynyŋ erler qūramasy 3-orynǧa ie boldy. Būl — audandyq deŋgeide emes, öŋırlık arenada da jangeldindık sportşylardyŋ bäsı biık ekenın körsetedı.
Jaŋa buynnan ülken ümıt
Balalar men jasöspırımder sport mektebınıŋ tärbielenuşılerı de üzdık nätijelerımen közge tüsıp jür. Dziudo men qazaq küresınen Erhan Töleuhan, Erlık Raisov, Äbdınūr Qosylbek, Eldos Töleuhan, Nūrasyl Nūraş jäne Eraly Bırjıkenov — türlı jarystardyŋ jüldegerlerı.
Toǧyzqūmalaqtan Baqyt Nargiz, Aitmaǧanbetova Ailana, Baqyt Janaiym syndy oquşylardyŋ esımı de jarystarda jiı atalyp jür.
Boksta — Serık Ahmetjan, Qaiyr Sūltan, Aiajan Qapsamatova jäne taǧy basqalary audannyŋ namysyn qorǧap keledı.
Auyl sporty — ūlttyq ruhtyŋ tıregı
Jangeldin audany — auyl sportynyŋ tırşılıgın saqtap qana qoimai, ony jüielı damytu arqyly özge öŋırlerge de ülgı bola alǧan öŋır. Būl jerde sport — tek fizikalyq şynyǧu qūraly emes, ruhty köteretın, bırlıktı arttyratyn, bolaşaqqa senım beretın qūndylyq retınde qarastyrylady.
Auyl sporty örkendese — ūlttyŋ ırgesı bekidı. Jangeldin audany osy jolda naqty ıspen jauap berıp otyr.
Ūqsas jaŋalyqtar
