بۇۇ باس حاتشىسى ءۇندىستان مەن پاكىستاندى سابىرلىققا شاقىردى

908
Adyrna.kz Telegram
https://adyrna.kz/content/uploads/2024/12/8034452c-3ce7-42e3-8aad-a6f738b41dac-960x500.jpeg?token=1e3b226b24fbc6f0f2fd0c8d73193579
بىرىككەن ۇلتتار ۇيىمىنىڭ باس حاتشىسى انتونيۋ گۋتەرريش ءۇندىستان مەن پاكىستان اراسىنداعى شيەلەنىستىڭ ۋشىعۋىنا الاڭداۋشىلىق ءبىلدىرىپ، ەكى ەلدى سابىر ساقتاۋعا شاقىردى، دەپ حابارلايدى “ادىرنا” ۇلتتىق پورتالى. ساياساتكەردىڭ مالىمدەمەسى بۇۇ-نىڭ رەسمي سايتىندا جاريالاندى. گۋتەرريشتىڭ ايتۋىنشا، الەم ءۇندىستان مەن پاكىستان اراسىنداعى اسكەري قاقتىعىسقا جول بەرە المايدى. 7 مامىرعا قاراعان ءتۇنى بولعان زىمىران شابۋىلدارىنىڭ الدىندا-اق باس حاتشى تاراپتار اراسىنداعى شيەلەنىستى باسەڭدەتۋگە جاردەمدەسۋگە دايىن ەكەنىن ءبىلدىرىپ، بۇل ماسەلەنىڭ اسكەري جولمەن شەشىمى جوق ەكەنىن اتاپ وتكەن. ءۇندىستان مەن پاكىستان ءبىر-ءبىرىنىڭ اۋماعىنا زىمىران سوققىسىن جاساپ، ناتيجەسىندە ەكى تاراپتان ونداعان ادام قازا تاپقاننان كەيىن، بۇل جاعدايعا الەم ەلدەرى ءوز رەاكتسيالارىن ءبىلدىردى. اتاپ ايتقاندا، اقش پرەزيدەنتى دونالد ترامپ بۇل قاقتىعىستىڭ ءورشۋىن «ۇيات جاعداي» دەپ اتادى. ونىڭ ايتۋىنشا، ادامدار مۇنداي جاعداي بولاتىنىن الدىن الا سەزگەن، ويتكەنى ءۇندىستان مەن پاكىستان عاسىرلار بويى سوعىسىپ كەلەدى. سونىمەن قاتار اق ءۇي باسشىسى كورشىلەس ەكى مەملەكەتتىڭ اسكەري قاقتىعىسى جاقىن ارادا توقتايدى دەگەن ءۇمىتىن جەتكىزدى. سونداي-اق اقش مەملەكەتتىك حاتشىسى ماركو رۋبيو ءۇندىستان مەن پاكىستان وكىلدەرىمەن شۇعىل تەلەفون ارقىلى سويلەسىپ، ولاردى بايلانىس ارنالارىن اشىق ۇستاۋعا جانە شيەلەنىستى ۋشىقتىرماۋعا شاقىردى.
پىكىرلەر