كوشپەندىلەردىڭ كونەدەن كەلە جاتقان قارۋىنىڭ ءبىرى. قازاق باتىرلارى ايبالتانى وتە ءجيى قولدانعان. ول ەكى بولىكتەن تۇرادى: «باسى» جانە «سابى». باسى مەن سابىنىڭ تۇيىسكەن جەرىن «ساعاعى» دەپ اتايدى. قولعا ءىلىپ الۋ ۇشىن بۇلدىرگىتاعىلادى. بالتانىڭ باسى جالپاق كەلىپ شابۋعا ارنالعان جاعى «جالمانى»،شاباتىن جەرى «ءجۇزى» دەپ اتالادى. ايبالتانىڭ نەگىزگى تۇرلەرى ساق، سكيف، سارماتتار زامانىندا، ءبىزدىڭ زامانىمىزعا دەيىنگى ءىV-ءىىى عاسىرلاردا قالىپتاسا باستاعان. قازاق باتىرلارى قولدانعان ايبالتا تۇرلەرى 18-19 عاسىرعا دەيىن ساقتالعان. سابىنىڭ ۇزىندىعىنا قاراي قىسقا، ورتاشا،ۇزىن ساپتى بولىپ بولىنەدى. ەڭ كوپ قولدانىستا بولعانى — سابىنىڭ ورتاشا ۇزىندىلىعىمەن. قازاق ايبالتالارىنىڭ بىزگە جەتكەن ۇلگىلەرىنىڭ باسىم كوپشىلىگى ورتاشا ساپتى ايبالتالار. ساپتارىنىڭ ۇزىندىعى ات ۇستىندە ايقاسۋعا ەڭ ىڭعايلى مولشەر. بالتالاردىڭ سابى ءار ءتۇرلى اعاشتاردان جاسالىپ، كەيدە تەرىمەن نەمەسە تۇتاستاي مەتالمەن قاپتالعان.
