Kóshpendilerdiń kóneden kele jatqan qarýynyń biri. Qazaq batyrlary aıbaltany óte jıi qoldanǵan. Ol eki bólikten turady: «basy» jáne «saby». Basy men sabynyń túıisken jerin «saǵaǵy» dep ataıdy. Qolǵa ilip alý úshin búldirgitaǵylady. Baltanyń basy jalpaq kelip shabýǵa arnalǵan jaǵy «jalmany»,shabatyn jeri «júzi» dep atalady. Aıbaltanyń negizgi túrleri saq, skıf, sarmattar zamanynda, bizdiń zamanymyzǵa deıingi IV-III ǵasyrlarda qalyptasa bastaǵan. Qazaq batyrlary qoldanǵan aıbalta túrleri 18-19 ǵasyrǵa deıin saqtalǵan. Sabynyń uzyndyǵyna qaraı qysqa, ortasha,uzyn sapty bolyp bólinedi. Eń kóp qoldanysta bolǵany — sabynyń ortasha uzyndylyǵymen. Qazaq aıbaltalarynyń bizge jetken úlgileriniń basym kópshiligi ortasha sapty aıbaltalar. Saptarynyń uzyndyǵy at ústinde aıqasýǵa eń yńǵaıly mólsher. Baltalardyń saby ár túrli aǵashtardan jasalyp, keıde terimen nemese tutastaı metalmen qaptalǵan.
