يران ورتاشا قاشىقتىقتاعى Qassem Basir بالليستيكالىق زىمىرانىن سىنادى. بۇل تۋرالى 4 مامىردا ەلدىڭ قورعانىس ءمينيسترى ازيز نازيرزادە ايتتى، دەپ حابارلايدى «ادىرنا» ءتىلشىسى.
ول بۇنداي قارۋ ەلدىڭ قورعانىسىن نىعايتىپ، جاۋدىڭ شابۋىلىن توقتاتۋ ءۇشىن قاجەت ەكەنىن مالىمدەدى.
«زىمىران — Hal Qasem-ءدىڭ جەتىلدىرىلگەن نۇسقاسى. Qassem Basir تەرموبەينەلەۋ جۇيەسى زىمىراننىڭ جوعارى دالدىگىن قامتاماسىز ەتەدى. بۇدان باسقا، زىمىران ەلەكتروندى كۇرەس قۇرالدارىنا ءتوزىمدى»،—دەدى مينيستر.
سونداي-اق ناسيرزادە اقش شابۋىل جاساسا، جويقىن سوققى بەرەتىندەرىن جەتكىزدى.
«شابۋىل جاسالسا، ەشقانداي شەكتەۋدى ەسكەرمەيمىز. يران — كورشى ەلدەردىڭ جاۋى ەمەس. ءبىز ولارمەن باۋىرلاستىق قارىم-قاتىناسقا ۇمتىلامىز. دەسە دە، سوعىس جاعدايىندا كورشى ەل اۋماعىنداعى امەريكالىق بازالاردى نىساناعا الاتىن بولامىز»،— دەپ اتاپ ءوتتى يران اسكەري ۆەدومستۆوسىنىڭ باسشىسى.
