اقش پرەزيدەنتى دونالد ترامپ ءۇشىنشى مەرزىمگە پرەزيدەنتتىك سايلاۋعا تۇسپەيدى. بۇل تۋرالى ول NBC ارناسىنا بەرگەن سۇقباتىندا ايتتى، دەپ حابارلايدى «ادىرنا» ءتىلشىسى.
«مەن 8 جىل، ەكى مەرزىمگە عانا پرەزيدەنت بولامىن. مۇنى ءاردايىم وتە ماڭىزدى شەشىم دەپ ەسەپتەدىم»،—دەدى باسشى.
ترامپ ءوزىنىڭ 2028 جىلعى پرەزيدەنت سايلاۋىنا قاتىسۋىن قالايتىندار كوپ ەكەنىن جەتكىزدى.
«مەنىڭ بىلۋىمشە، بۇلاي ىستەۋگە بولمايدى. مۇنداي قادامعا بارمايمىن»،—دەپ تولىقتىردى ول.
بۇعان دەيىن اقش-تا ترامپ ءۇشىنشى رەت سايلاۋعا قاتىسۋى ءۇشىن كونستيتۋتسيانى وزگەرتۋ ماسەلەسى كوتەرىلگەن ەدى. پرەزيدەنتتىڭ ءوزى دە بۇل ۇسىنىسقا وڭ كوزبەن قارايتىنىن جەتكىزگەن.
