اقش-تىڭ پرەزيدەنتى دونالد ترامپ Truth Social الەۋمەتتىك جەلىسىندە ءوزىن ريم پاپاسى رەتىندە بەينەلەگەن سۋرەتتى جاريالادى. بۇل سۋرەت جەلىدە قىزۋ تالقىعا ءتۇستى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
Truth Social پلاتفورماسىندا جاريالانعان سۋرەتتە ترامپ التىنمەن اپتالعان تاقتا وتىر. ول كاتوليك ءدىنباسىلارى كيەتىن اق سۋتان كيىپ، باسىنا ميترا (ريم پاپاسىنىڭ ءداستۇرلى باس كيىمى) كيگەن. كوكىرەگىندە التىن ايقىش ءىلىنىپ تۇر، ال وڭ قولىنىڭ سۇق ساۋساعى جوعارى كوتەرىلگەن.
بۇل بەينەجازبا جاساندى ينتەللەكت كومەگىمەن جاسالعان دەپ بولجانۋدا. سۋرەت ەشقانداي ماتىنمەن سۇيەمەلدەنبەگەن.
اتالعان جازبانى كەيىننەن اق ءۇيدىڭ رەسمي پاراقشاسى دا رەپوست جاساعان.
ەسكە سالساق، بۇعان دەيىن دونالد ترامپ جۋرناليستەرگە بەرگەن سۇحباتىندا ريم پاپاسى بولعىسى كەلەتىنىن ازىلمەن ايتقان بولاتىن. Forbes Breaking News YouTube ارناسى سول ءساتتىڭ ۆيدەوسىن جاريالاعان.
"مەن ريم پاپاسى بولعىم كەلەدى. بۇل مەنىڭ ءبىرىنشى تاڭداۋىم بولار ەدى", – دەپ ازىلدەدى ترامپ.
سونىمەن قاتار، ول پونتيفيك لاۋازىمىنا كىمنىڭ كەلۋى كەرەكتىگىنە قاتىستى جەكە تاڭداۋى جوق ەكەنىن مالىمدەدى.
