AQŞ-tyŋ prezidentı Donald Tramp Truth Social äleumettık jelısınde özın Rim Papasy retınde beinelegen surettı jariialady. Būl suret jelıde qyzu talqyǧa tüstı, dep habarlaidy "Adyrna" ūlttyq portaly QazAqparatqa sıltep.
Truth Social platformasynda jariialanǧan surette Tramp altynmen aptalǧan taqta otyr. Ol katolik dınbasylary kietın aq sutan kiıp, basyna mitra (Rim Papasynyŋ dästürlı bas kiımı) kigen. Kökıregınde altyn aiqyş ılınıp tūr, al oŋ qolynyŋ sūq sausaǧy joǧary köterılgen.
Būl beinejazba jasandy intellekt kömegımen jasalǧan dep boljanuda. Suret eşqandai mätınmen süiemeldenbegen.
Atalǧan jazbany keiınnen Aq üidıŋ resmi paraqşasy da repost jasaǧan.
Eske salsaq, būǧan deiın Donald Tramp jurnalisterge bergen sūhbatynda Rim Papasy bolǧysy keletının äzılmen aitqan bolatyn. Forbes Breaking News YouTube arnasy sol sättıŋ videosyn jariialaǧan.
"Men Rim Papasy bolǧym keledı. Būl menıŋ bırınşı taŋdauym bolar edı", – dep äzıldedı Tramp.
Sonymen qatar, ol pontifik lauazymyna kımnıŋ keluı kerektıgıne qatysty jeke taŋdauy joq ekenın mälımdedı.
