5 مامىردا سامارقاند قالاسىندا ءوتۋى ءتيىس بولعان «ورتالىق ازيا — شىعاناقتاعى اراب مەملەكەتتەرىنىڭ ىنتىماقتاستىعى كەڭەسىنىڭ» ەكىنشى ءسامميتى كەيىنگە قالدىرىلدى. ۋاقىتى بەلگىسىز، دەپ حابارلايدى “ادىرنا” ۇلتتىق پورتالى.
وزبەكستان سىرتقى ىستەر مينيسترلىگى «انادولۋ» اگەنتتىگىنە حابارلاعانداي، بۇل شارا ەلدەردىڭ ءوزارا كەلىسىمى بويىنشا كەيىنگە قالدىرىلعان.
«ءسامميتتىڭ كۇنى مەن باسقا دا ەگجەي-تەگجەيلەرى قوسىمشا حابارلاناتىن بولادى»، – دەلىنگەن مينيسترلىك مالىمدەمەسىندە.
وزبەكستان پرەزيدەنتى شاۆكات ميرزيوەۆتىڭ توراعالىعىمەن وتەدى دەپ كۇتىلگەن ەكىنشى سامميتكە ورتالىق ازيانىڭ بەس ەلى – قازاقستان، قىرعىزستان، تاجىكستان، تۇرىكمەنستان جانە وزبەكستان، سونداي-اق پارسى شىعاناعىنىڭ التى اراب مەملەكەتىنىڭ – ساۋد ارابياسى، ءباا، كۋۆەيت، باحرەين، ومان جانە كاتار كوشباسشىلارى قاتىسادى دەپ جوسپارلانعان ەدى.
ايتا كەتەيىك،«ورتالىق ازيا — شىعاناقتاعى اراب مەملەكەتتەرىنىڭ ىنتىماقتاستىعى كەڭەسىنىڭ» ءبىرىنشى ءسامميتى 2023 جىلدىڭ شىلدەسىندە ساۋد ارابياسى كورولدىگىنىڭ جيددا قالاسىندا وتكەن بولاتىن. ونىڭ باراسىندا مەملەكەت باسشىسى قاسىم-جومارت توقاەۆ جاھاندىق ورنىقتى دامۋ ماسەلەسى توڭىرەگىندە بىرقاتار ماڭىزدى باستاما كوتەردى.
