الماتى قالاسىندا قازاقستان حالقىنىڭ بىرلىگى كۇنى كەڭ كولەمدە اتالىپ ءوتتى، دەپ حابارلايدى «ادىرنا» ءتىلشىسى.
باستى ءىس-شارالار رەسپۋبليكا سارايى الدىنداعى اباي الاڭىندا ساعات 10:30-دان 21:00-گە دەيىن ءوتتى.
الماتىلىقتار مەن قالا قوناقتارىنا ارناپ روزا رىمباەۆا، L Duo دۋەتى، دارىندى پيانيست تەمىرلان بەيسەنباي (Ratovich), «Diamond» سترۋندى تريوسى، دۋدۋكيست مەيىرمان ابدراحمانۇلى، «دەرۆيشي»، «Made in KZ» توپتارى ونەر كورسەتتى. ودان بولەك، كونتسەرتتىڭ حەدلاينەرلەرى — باشقۇرتستاننان كەلگەن Ay Yola توبى بولدى. ولار وزدەرىنىڭ تانىمال «Homay» ءانىن ورىنداپ، كوپشىلىكتىڭ ىقىلاسىنا بولەندى.
ايتا كەتەيىك، باشقۇرتتىڭ Ay Yola توبى شىعارعان Homay ءانى الەمگە تانىلعان بولاتىن. بۇل وقيعا تەك مۋزىكالىق جەتىستىك قانا ەمەس، سونىمەن قاتار باشقۇرت مادەنيەتىنىڭ حالىقارالىق دەڭگەيدە مويىندالۋىنىڭ نىشانىنا اينالدى.
