وتاندىق كىتاپتار مەن ولاردى باسىپ شىعارۋ قىزمەتى 16% قوسىلعان قۇن سالىعىنان (ققس) بوساتىلادى. بۇل وزگەرىس قازىر تالقىلانىپ جاتقان سالىق كودەكسىنە ەنگىزىلمەك. بۇل تۋرالى ءماجىلىس دەپۋتاتى اسحات ايماعامبەتوۆ ءوزىنىڭ تەلەگرام-ارناسىندا جازدى، دەپ حابارلايدى ”ادىرنا” ۇلتتىق پورتالى.
بۇل شەشىم جۇمىس توبىنىڭ وتىرىسىندا قارالىپ، قولداۋ تاپقان. ايماعامبەتوۆتىڭ ايتۋىنشا، بۇل جاي عانا سالىقتىق جەڭىلدىك ەمەس، ەل بولاشاعى ءۇشىن ماڭىزدى رۋحاني ءارى مادەني شەشىم.
«كىتاپ — جاي تاۋار ەمەس. ول — ءبىلىمنىڭ، مادەنيەتتىڭ، تاريحتىڭ جانە ۇلت بولاشاعىنىڭ كىلتى. سوندىقتان بۇل — تەرەڭ ءمانى بار قادام»، — دەپ جازدى دەپۋتات.
دەپۋتاتتىڭ مالىمەتىنشە، الەمنىڭ كوپتەگەن ەلدەرىندە كىتاپتار سالىقتان بوساتىلعان. ءتىپتى كەيبىر مەملەكەتتەردە باسپالارعا سۋبسيديا بەرىلىپ، كىتاپ باسۋ ءىسى قارجىلاي قولداۋعا يە. بۇل — كىتاپتى حالىق ءۇشىن قولجەتىمدى ەتۋگە باعىتتالعان ساياساتتىڭ ءبىر بولىگى.
ۇقساس جاڭالىقتار
