Otandyq kıtaptar men olardy basyp şyǧaru qyzmetı 16% qosylǧan qūn salyǧynan (QQS) bosatylady. Būl özgerıs qazır talqylanyp jatqan Salyq kodeksıne engızılmek. Būl turaly Mäjılıs deputaty Ashat Aimaǧambetov özınıŋ telegram-arnasynda jazdy, dep habarlaidy ”Adyrna” ūlttyq portaly.
Būl şeşım jūmys tobynyŋ otyrysynda qaralyp, qoldau tapqan. Aimaǧambetovtıŋ aituynşa, būl jai ǧana salyqtyq jeŋıldık emes, el bolaşaǧy üşın maŋyzdy ruhani ärı mädeni şeşım.
«Kıtap — jai tauar emes. Ol — bılımnıŋ, mädeniettıŋ, tarihtyŋ jäne ūlt bolaşaǧynyŋ kıltı. Sondyqtan būl — tereŋ mänı bar qadam», — dep jazdy deputat.
Deputattyŋ mälımetınşe, älemnıŋ köptegen elderınde kıtaptar salyqtan bosatylǧan. Tıptı keibır memleketterde baspalarǧa subsidiia berılıp, kıtap basu ısı qarjylai qoldauǧa ie. Būl — kıtapty halyq üşın qoljetımdı etuge baǧyttalǧan saiasattyŋ bır bölıgı.
Ūqsas jaŋalyqtar
