قازاقستاننىڭ دەنساۋلىق ساقتاۋ ءمينيسترى اقمارال ءالنازاروۆا اسكەردە جارالانعان سارباز ەربايان مۇحتاردىڭ جاعدايى جونىندە سۇراققا جاۋاپ بەردى، دەپ حابارلايدى «ادىرنا» ءتىلشىسى.
«ەربايان مۇحتاردىڭ جاعدايى دەنساۋلىق ساقتاۋ مينيسترلىگى تاراپىنان باقىلاۋدا. اتا-اناسىمەن وسىدان بىرنەشە كۇن بۇرىن كەزدەستىم. جاعدايى تۇراقتى. 16 مەديتسينالىق قىزمەتتى قوسىمشا الۋ قاجەتتىلىگىنە بايلانىستى ۇلتتىق مەديتسينالىق ورتالىعىنا كۇنى كەشە جاتقىزدىق. قاسىندا اكەسى بار. ءتيىستى كومەكتى سىرقاتىنا بايلانىستى الىپ جاتىر، – دەدى اقمارال ءالنازاروۆا ۇكىمەت وتىرىسىندا.
ونىڭ ايتۋىنشا، ەرباياننىڭ دياگنوزى وتە قيىن. جاراقاتپەن بىرگە دەنەسىنە ينفەككتسيا دا تۇسكەن.
«ءتيىستى ەم-دوم شارالارى جۇرگىزىلىپ جاتىر. تۇركياعا بارىپ كەلدى. ءوزىمىز دە قوسىمشا قاراپ جاتىرمىز. قاجەت بولسا تۇركيادا نەمەسە باسقا مەملەكەتتە ەم-دومىن ۇيىمداستىرۋ ماسەلەسىن اتا-اناسىمەن تالقىلادىق. قازاقستاندا ەمدەلۋگە كەلىسىمدەرىن بەردى. الدىن-الا بولجام جاساماي-اق، كومەكتىڭ الىپ جاتقانىن ايتقىم كەلەدى، – دەدى ول.
